泰屋 (東成里) (Closed)

話說小妹最喜歡泰國嘢，貪佢夠酸又夠辣，開胃又醒神！不過好可惜近排泰國當地唔太穩定，好多爆炸同政局因素搞到我都唔太敢去泰國旅行，唯有留番喺香港食泰菜解解癮啦。好多人講泰菜都會諗起九龍城先，但其實元朗都唔睇少得，要景靚又要食物好我就推介元朗泰屋啦！泰屋好似有其他分店，但以我所知元朗個間係比較有泰國feel，所以今次試下佢！炒通菜都唔錯，夠鑊氣又唔會炒得老，有時出去食通菜放耐咗就會變深色，泰屋都做得幾好！薄餅唔一定配咖哩，只要夠酥夠脆咩都唔點先係最好食！食泰國嘢飲冬陰功是常識吧！話說喺當地飲過冬陰功嘅，都知香港人唔一定飲到，反而喺香港飲嘅就易接受啲，因為配合香港人嘅口味會甜番啲，少辣啲。總括嚟講今日係滿足嘅一日！