Video
Read full review
2022-09-18
100 views
二人晚餐(HK$508)包三選一前菜、餐湯、意粉、二選一主菜，仲有指定飲品，我哋另外單叫咗沙冰。🍴冬蔭功忌廉汁藍青口配法包藍青口雖然細細隻，但嫩滑鮮甜，醬汁本身偏鹹，酸辣味唔算突出，配蒜香法包就剛好。🍴粟米湯粟米直接打成蓉煮湯，香甜細滑，濃郁程度拍得住日式即飲粟米湯。🍴紅蝦龍蝦汁扁意粉扁意粉冇煮到太腍，掛滿龍蝦汁，香濃而不過火，紅蝦爽口鮮甜，鮮上加鮮。🍴香煎安格斯封門牛柳（10安士）配烤雜菜、薯蓉打邊爐食過封門柳，牛味確係濃，但亦較臊，今次初嚐香煎煮法，牛味濃郁鮮甜，肉質鬆軟，可惜熟咗啲。配菜用上較少見嘅黑皮雞樅菌，口感爽脆，香氣比其他常見菌類更濃。🍴白桃菠蘿沙冰 HK$48果香夠自然，唔太甜，透心涼。🍴牛油果乳酪奶昔沙冰HK$48望落幾似Tiramisu，濃郁牛油果味伴隨清新乳酪，鍾意牛油果嘅人不容錯過。食材講究有質素，服務周到，對住廚房都唔覺有油煙味，好坐。📍Four X Four大圍上徑口村143號地下
二人晚餐(HK$508)包三選一前菜、餐湯、意粉、二選一主菜，仲有指定飲品，我哋另外單叫咗沙冰。
🍴冬蔭功忌廉汁藍青口配法包
藍青口雖然細細隻，但嫩滑鮮甜，醬汁本身偏鹹，酸辣味唔算突出，配蒜香法包就剛好。
🍴粟米湯
粟米直接打成蓉煮湯，香甜細滑，濃郁程度拍得住日式即飲粟米湯。
🍴紅蝦龍蝦汁扁意粉
扁意粉冇煮到太腍，掛滿龍蝦汁，香濃而不過火，紅蝦爽口鮮甜，鮮上加鮮。
🍴香煎安格斯封門牛柳（10安士）配烤雜菜、薯蓉
打邊爐食過封門柳，牛味確係濃，但亦較臊，今次初嚐香煎煮法，牛味濃郁鮮甜，肉質鬆軟，可惜熟咗啲。配菜用上較少見嘅黑皮雞樅菌，口感爽脆，香氣比其他常見菌類更濃。
🍴白桃菠蘿沙冰 HK$48
果香夠自然，唔太甜，透心涼。
🍴牛油果乳酪奶昔沙冰HK$48
望落幾似Tiramisu，濃郁牛油果味伴隨清新乳酪，鍾意牛油果嘅人不容錯過。
食材講究有質素，服務周到，對住廚房都唔覺有油煙味，好坐。
📍Four X Four
大圍上徑口村143號地下
Post
