Video
Read full review
2022-06-04
610 views
尋日食完呢 Cali-Mex 就發覺銅記分店好過佢好多，食物一樣但招呼影響食慾。是咁的，屋企兩位長老話好耐無去過愉景灣，就約埋其他家庭成員一齊去愉景灣。兩個星期前我都食過銅記間 Cali-Mex，就覺得啲雞中翼，Tacos同肉眼扒非常好食。所以去到愉景灣見到有就強烈推介啦 (依家諗返就覺得非常後悔)。接待員態度差：1）未入去就見到個接待員同一對情侶有小小嘈吵聲。原來係因為接待員堅持要求對情侶一定要用手機安心出行二維碼 (唔接受紙本或康復證明書) 先比入座。兩位長老就叫我幫佢哋搞個二維碼，因為佢哋係康復者，所以佢哋一向都係用紙本針卡或康復者證明書，再加上佢哋係唔多識用智能手機。我哋企咗喺度成15分鐘先整完，行去掃就比個接待員話一定要係針卡二維碼唔係康復碼。我哋即塲出現黑人問號？(乜政府廣告係假㗎？乜食肆係可以龍門任佢擺？)，所以我哋知道嗰對情侶點解會同佢嘈。2）阿嫂話要求見經理，接待員就話經理行開咗，仲暗示叫我哋走同 “唔好令佢難做“ 咁。後來有位女職員 (感覺上好似經理) 叫佢比我哋入，照掃咗我哋啲二維碼，合格就比入。點餐：兩份肉眼扒，龍蝦，雞同牛tacos各一份，炸魚薯條，同4杯凍飲
是咁的，屋企兩位長老話好耐無去過愉景灣，就約埋其他家庭成員一齊去愉景灣。
兩個星期前我都食過銅記間 Cali-Mex，就覺得啲雞中翼，Tacos同肉眼扒非常好食。所以去到愉景灣見到有就強烈推介啦 (依家諗返就覺得非常後悔)。
接待員態度差：
1）未入去就見到個接待員同一對情侶有小小嘈吵聲。原來係因為接待員堅持要求對情侶一定要用手機安心出行二維碼 (唔接受紙本或康復證明書) 先比入座。兩位長老就叫我幫佢哋搞個二維碼，因為佢哋係康復者，所以佢哋一向都係用紙本針卡或康復者證明書，再加上佢哋係唔多識用智能手機。我哋企咗喺度成15分鐘先整完，行去掃就比個接待員話一定要係針卡二維碼唔係康復碼。我哋即塲出現黑人問號？(乜政府廣告係假㗎？乜食肆係可以龍門任佢擺？)，所以我哋知道嗰對情侶點解會同佢嘈。
2）阿嫂話要求見經理，接待員就話經理行開咗，仲暗示叫我哋走同 “唔好令佢難做“ 咁。後來有位女職員 (感覺上好似經理) 叫佢比我哋入，照掃咗我哋啲二維碼，合格就比入。
點餐：
兩份肉眼扒，龍蝦，雞同牛tacos各一份，炸魚薯條，同4杯凍飲2杯啤酒。
食物評價：
1）肉眼扒叫咗全熟 (為咗兩老先叫全熟)，啲肉非常冧配埋本身肉汁仲非常嗞味。
2）龍蝦，肉汁鮮甜醬汁係絕配。
3）Tacos 就差咗啲，我同兩老就覺得 雞肉 “咬落梅咗啲“。另一個味道無食留比人哋食。
4）炸魚薯條，本來係最其待嘅食物。點知上菜時比漏炸魚醬，同佢哋講 “漏咗炸魚醬，同埋想要茄汁，唔該“。一等就等咗差唔多18分鐘先有人攞過嚟。不過期間都有再問佢哋啲醬汁點。無人應過我哋。
最後阿嫂又要求見經理，點知行過嚟就係嗰位 “接待員“，覺得同佢講都係嘥氣就叫咗佢走。
埋單：
叫埋單就可以九秒九咁快，我哋就慢嘆版，等所有人飲完啲嘢，先比齊頭數多一毫子都唔會比多先走。
結論：
體會完愉景灣分店，就會知道咩叫 “做又三十六，唔做又三十六“ 嘅服務態度。
所以建議 “如果係用 hea 嘅心態去就可以“，但 “如果係想得開心就唔使啦“。
Post