Video
Read full review
2018-08-19
688 views
早前去過同幢酒店的西餐，感覺不俗，發現原來樓下仲有泰菜，今天又約人試食。Openrice 訂台有 85 折，沒有不訂的理由。環境是無得彈的，尤其是臨窗卡位，望住車水馬龍，九龍區的命脈- 彌敦道。加上餐廳人不多，份外好坐。至於食物又如何呢，等我逐一介紹吓：泰式酸辣鳳爪 $78唔太酸，下層有汁就辣，上層冇汁唔辣，大家可以自由控制。夠多香味配菜如芹菜及蔥等等，鐘意食的人會好高興。整體來說份量算多，作為 share 來食的頭盤真心不錯。👍原隻燒墨魚 $68堅係墨魚，即係打冷橙色果種。燒起上來冇魷魚咁好味，唔夠香唔夠Q ，口感差一截。雖然平，但冇下次。泰式明爐魚$208係烏頭魚，雖然落左無數咁多香菜，但仍然好腥。食到有泥味、有腥味，同埋魚腮未清，相當難頂👎原個菠蘿炒飯 $118有兩隻無味急凍蝦加無味急凍雞肉粒，菠蘿同炒飯底都 ok , 但整體偏甜，而且D料唔掂 👎。黃咖哩雞$102大煲熱辣辣，超大件冇乜味的急凍雞，同埋好多好多薯仔。咖哩唔太辣，唔香，偏甜 👎牛油酥餅 $38呢味正！有三件，熱辣辣外酥內軟，點咖哩一流。唔夠分，encore 了。👍芥蘭炒牛肉 $88大碟，火候控制不錯，唔知點解，又係
Openrice 訂台有 85 折，沒有不訂的理由。
環境是無得彈的，尤其是臨窗卡位，望住車水馬龍，九龍區的命脈- 彌敦道。
加上餐廳人不多，份外好坐。
至於食物又如何呢，等我逐一介紹吓：
泰式酸辣鳳爪 $78
唔太酸，下層有汁就辣，上層冇汁唔辣，大家可以自由控制。夠多香味配菜如芹菜及蔥等等，鐘意食的人會好高興。整體來說份量算多，作為 share 來食的頭盤真心不錯。👍
原隻燒墨魚 $68
堅係墨魚，即係打冷橙色果種。燒起上來冇魷魚咁好味，唔夠香唔夠Q ，口感差一截。雖然平，但冇下次。
泰式明爐魚$208
係烏頭魚，雖然落左無數咁多香菜，但仍然好腥。食到有泥味、有腥味，同埋魚腮未清，相當難頂👎
原個菠蘿炒飯 $118
有兩隻無味急凍蝦加無味急凍雞肉粒，菠蘿同炒飯底都 ok , 但整體偏甜，而且D料唔掂 👎。
黃咖哩雞$102
大煲熱辣辣，超大件冇乜味的急凍雞，同埋好多好多薯仔。咖哩唔太辣，唔香，偏甜 👎
牛油酥餅 $38
呢味正！有三件，熱辣辣外酥內軟，點咖哩一流。唔夠分，encore 了。👍
芥蘭炒牛肉 $88
大碟，火候控制不錯，唔知點解，又係偏甜 😑
香芒糯米飯 $58
終於到甜品，反而係最好味，超大片芒果，清香唔會甜。糯米飯煙韌有囗感 👍
椰青 $38
泰國餐廳來講，收費算合理，鮮甜大個又夠凍，但略嫌椰肉唔夠嫰滑，比較老。
總括來講，環境正，好坐，服務又好，地點方便，收費合理。不過食物味道同質素就很一般囉。
Post
