Video
Read full review
2019-06-27
646 views
環境︰旺角樓上cafe，位置超級方便，有免費任用同穩定的WIFI，每張枱旁邊都有插座 ，背景音樂係純音樂，餐廳裝潢以粉紅為主調，有D裝飾品同韓星相，環境清靜同氣氛溫馨，有男女洗手間各一格，洗手間都好乾淨同幾靚，洗手液廁紙齊備，環境超級好，stay成個晏就都得！服務︰有少少自助，係一種幾自在好舒適的感覺，例如可以自行斡水、走動，店員都好nice，有任何需求都樂意幫手。另外，有一個店員應該是輕度智障人士，但應接如常而且好有禮貌，其他台員都會好有耐心好nice咁支援佢，值得支持，只係人手有時有點不足食物︰食物一般，但飲品頗為出色。我地叫左一份lunch set 再加一杯野飲同一件蛋糕share。溫泉蛋燒汁五花腩丼 $45穩陣的配搭，可惜五花腩有點韌，但估唔到係紅米飯，加埋沙律菜，感覺即刻健康返！特濃朱古力蛋糕 原價$35，跟正價飲品$25蛋糕唔會太多，夾層的朱古力幾滑，敗筆係側面的朱古力過甜。熱焙茶朱古力 $42 (跟lunch set半價)朱古力加埋焙茶香呢個配搭無得輸，誘人的香味同外表，甘甜度亦剛剛好。而且聽講凍飲又係另一番風味xpp熱焦糖燉蛋咖啡 $42 賣相吸引，有淡淡的焦糖味，表層
服務︰有少少自助，係一種幾自在好舒適的感覺，例如可以自行斡水、走動，店員都好nice，有任何需求都樂意幫手。另外，有一個店員應該是輕度智障人士，但應接如常而且好有禮貌，其他台員都會好有耐心好nice咁支援佢，值得支持，只係人手有時有點不足
食物︰
食物一般，但飲品頗為出色。我地叫左一份lunch set 再加一杯野飲同一件蛋糕share。
溫泉蛋燒汁五花腩丼 $45
穩陣的配搭，可惜五花腩有點韌，但估唔到係紅米飯，加埋沙律菜，感覺即刻健康返！
特濃朱古力蛋糕 原價$35，跟正價飲品$25
蛋糕唔會太多，夾層的朱古力幾滑，敗筆係側面的朱古力過甜。
熱焙茶朱古力 $42 (跟lunch set半價)
朱古力加埋焙茶香呢個配搭無得輸，誘人的香味同外表，甘甜度亦剛剛好。而且聽講凍飲又係另一番風味xpp
熱焦糖燉蛋咖啡 $42
賣相吸引，有淡淡的焦糖味，表層的焦糖燉蛋超soft，似一層薄薄的梳乎厘，配埋下層香濃嘅咖啡，都幾正。
小結︰勝在環境好，飲品也不錯，其他一般。
最低消費正價飲品一杯或正價食物一份。
Post
