Opa Mediterranean Bar and Bistro (Closed)

年尾趕埋數好忙，趁周末同老公出去行下，搵到呢間西餐，喜歡裝橫，環境幾好，幾chill，適合傾計。可能我哋過咗最忙時間，唔多人唔使等位，幾relax。我哋每人要咗個holiday bruch buffet ，包沙律，1個主菜，1個甜品。$268/每位有沙律bar，有幾款芝士，沙律菜，火腿，三文魚，吞拿魚，通粉，麵包。另外，主菜有好幾款選擇，有虎蝦橄欖油意粉，中東烤雞胸，香煎盲槽魚柳配椰子青檸汁，或可以+ $38 美國西冷牛扒，還有pizza和意粉，幾多選擇。主菜：香煎盲槽魚柳配椰子青檸汁我鐘意食魚。佢煎得香脆，肉質ok唔多細骨，個汁好清新開胃，還有薯蓉，烤甘荀，唔錯主菜：中東烤雞胸雞胸大大件，唔鞋身熱辣辣，仲配好多薯條，食到好飽，老公滿意甜品：tiramisu/朱古力心太軟/西班牙油條我哋揀咗tiramisu。比較硬身，口感不是一般食比較濕潤，啱老公囗味。