十分幸福 (Closed)

唔係住係附近，有日約人經過，感覺裝修好有感覺。打卡位唔少，好有台灣的感覺，室內環境亦乾淨企理，令到我望一眼就決定入去食個lunch。(雖然真係好少人......)然後見到菜式，都係好地道的台灣系，名亦算吸引，價錢亦算合理。先叫咗2個午餐先，一個必食的鹽酥雞+肉燥飯，另一個亦算係必食的牛肉麵。先講個鹽酥雞+肉燥飯先，賣相十分OK，先試個鹽酥雞，發現炸粉好厚同埋雞扒唔夠多汁好味，最得意的是......有蔥油！肉燥飯就未見有驚喜，小朋友食2啖就無興趣再食了。其他配菜相比下就好少少。然後台灣菜就一定要配珍珠奶茶啦! 賣相十分OK，但飲落......好淡......，真係失望。然後到牛肉麵，都係無驚喜地質素好一般，個茶感覺OK (應該都好難唔OK)。等到朋友嚟，又再叫咗2個下午茶餐，好難得平均地都係唔好食，飲品水準KEEP住係失望。結論係: 硬件條件真係好OK，但味道實在令人食一次就夠，希望日後有所改善啦!!!唔好浪費左個場。