Video
Read full review
2022-08-16
207 views
《PANCAKE HACHIKO - 旺角》又係食梳乎厘Pancake既時候啦😆近排終於對pancake既慾望冷卻左丁點😅但行過某啲地方都仲係會搵下附近有無得食梳乎厘班戟😎今次呢間cafe喺旺角同油麻地交界，都算係幾容易搵到，主打窩夫同梳乎厘pancake，網上評價參半，有人話好食有人話唔好食，所以我都只係抱住無咩期望既心態去試，當日我問店員有咩飲品推介時，店員都有介紹不同既招牌飲品同野食比我，而最後選擇左宇治抹茶白玉拿鐵$58同埋宇治抹茶提拉米蘇梳乎厘班戟$98🍵飲品首先上枱，宇治抹茶白玉拿鐵唔算好大杯，不過用黎打卡確實係幾靚既，佢既漸層都做得幾好，拿鐵既底部有五粒彈牙既白玉，由於我係個煙韌控，所以等緊pancake 既期間我已經暴風式吸入食曬所有白玉，無曬白玉之後杯飲品顯得更細杯，三啖應該都飲得曬🤨感覺就唔係太抵叫啦之後再等多十分鐘左右，pancake 就到啦，佢一客只有兩件，睇落份量都好足夠但比較薄左啲，不過呢間餐廳既梳乎厘pancake 同我平時喺其他地方食到既質地都好唔一樣，比較上稀少少無咁挺身，純粹係我個人感覺😅而上面既抹茶tiramisu 醬就反而好多，食到尾都仲點到醬汁
又係食梳乎厘Pancake既時候啦😆近排終於對pancake既慾望冷卻左丁點😅但行過某啲地方都仲係會搵下附近有無得食梳乎厘班戟😎今次呢間cafe喺旺角同油麻地交界，都算係幾容易搵到，主打窩夫同梳乎厘pancake，網上評價參半，有人話好食有人話唔好食，所以我都只係抱住無咩期望既心態去試，當日我問店員有咩飲品推介時，店員都有介紹不同既招牌飲品同野食比我，而最後選擇左宇治抹茶白玉拿鐵$58同埋宇治抹茶提拉米蘇梳乎厘班戟$98🍵
飲品首先上枱，宇治抹茶白玉拿鐵唔算好大杯，不過用黎打卡確實係幾靚既，佢既漸層都做得幾好，拿鐵既底部有五粒彈牙既白玉，由於我係個煙韌控，所以等緊pancake 既期間我已經暴風式吸入食曬所有白玉，無曬白玉之後杯飲品顯得更細杯，三啖應該都飲得曬🤨感覺就唔係太抵叫啦
之後再等多十分鐘左右，pancake 就到啦，佢一客只有兩件，睇落份量都好足夠但比較薄左啲，不過呢間餐廳既梳乎厘pancake 同我平時喺其他地方食到既質地都好唔一樣，比較上稀少少無咁挺身，純粹係我個人感覺😅而上面既抹茶tiramisu 醬就反而好多，食到尾都仲點到醬汁，而個醬又唔會過甜，都幾好味架👍🏻
整體嚟講，呢間cafe 環境佈置係幾靚既，員工服務態度我去既當日都尚算良好，不過食物性價比就唔算好高，始終旺角區的話，呢個價位而又好食既cafe 都唔算難搵，當去踩踩點咁啱行開去食tea試下都可以嘅😉
Post
