桃子Cafe (Closed)

星期六去旺角行街，行街之前梗係要食吓好西！掃街掃到悶想食正餐，去女人街一帶行吓睇睇有咩好食～呢條街其實好多又平又抵嘅野食，咁啱見到呢間裝修新淨，似係新開冇耐嘅餐廳，見個Menu有蛋包飯食，價錢都可接受，就入咁去啦！裝修都好文青feel~因為當時店內仲有另一枱客人就冇影到店內環境。我叫咗個咖哩牛腩蛋包飯，朋友叫咗個咖哩吉列豬扒蛋飽飯。咖哩味夠濃，牛腩都腍嘅，不過未算最出色，有進步空間。蛋好滑好好味，撈咖哩汁一流呀！飲品方面，朋友叫咗罐汽水，我就加錢叫咗個青檸特飲。呢個特飲顏色就打卡able ，但係味道就麻麻，可能啲冰溝淡咗，有啲伏。整體嚟講，食物有水準，價錢可接受，餐廳有吧檯位所以都啱自己一個人嚟食飯。