Video
Read full review
2023-04-04
356 views
⛵ 對住個海景食嘢真係好chill啊 😊住將軍澳嘅人真係幸福 (講緊食嘢方面😁)沿住海濱長廊開咗好多特色嘅餐廳/cafe，好羨慕 🥺前幾日想靜靜地hea下，就趁me time 同姊妹去咗將軍澳嘅UCR 落腳飲嘢食個lunch，大家食完就去接仔放學 😄Cafe個位置就梗係一流啦，對住個海同橋，地方又夠寬落，除咗堂食外，仲有個角落賣佢地自家品牌嘅用品，同埋有架雪糕車仔提供意大利品牌 Stecco Natura 嘅 gelato 🍦價錢方面都覺得幾抵 😀👍早午餐可以自由選配一杯啡或茶，仲可以free upgrade 選擇燕麥奶添！另外跟餐可以優惠價加配甜品 😍 真係吸引死我呀！呢排食得太多意粉同飯，所以我哋叫sourdough toast食 😊🐙 牛油果辣八爪魚沙律酸種多士 配水波蛋我到呢家都好回味呢碟！😍因為果日我精神麻麻地，好攰，未算有胃口，所以見牛油果感覺清d就嗌。辣八爪魚其實就冇辣味，係食到微微嘅香辣感，八爪魚幾有咬口 👍 可能有牛油果同水波蛋中和返，沙律菜加埋少許醋汁，酸酸地好開胃！😋食哂都仲有位食埋個甜品添，perfect 🤩呢家諗起又好想再食呢 😙❤️🐷 慢煮咖啡豬腩菠菜多士 配
住將軍澳嘅人真係幸福 (講緊食嘢方面😁)
沿住海濱長廊開咗好多特色嘅餐廳/cafe，好羨慕 🥺
前幾日想靜靜地hea下，就趁me time 同姊妹去咗將軍澳嘅UCR 落腳飲嘢食個lunch，大家食完就去接仔放學 😄
Cafe個位置就梗係一流啦，對住個海同橋，地方又夠寬落，除咗堂食外，仲有個角落賣佢地自家品牌嘅用品，同埋有架雪糕車仔提供意大利品牌 Stecco Natura 嘅 gelato 🍦
價錢方面都覺得幾抵 😀👍
早午餐可以自由選配一杯啡或茶，仲可以free upgrade 選擇燕麥奶添！另外跟餐可以優惠價加配甜品 😍 真係吸引死我呀！
呢排食得太多意粉同飯，所以我哋叫sourdough toast食 😊
🐙 牛油果辣八爪魚沙律酸種多士 配水波蛋
牛油果辣八爪魚沙律酸種多士 配水波蛋
8 views
0 likes
0 comments
我到呢家都好回味呢碟！😍
因為果日我精神麻麻地，好攰，未算有胃口，所以見牛油果感覺清d就嗌。辣八爪魚其實就冇辣味，係食到微微嘅香辣感，八爪魚幾有咬口 👍 可能有牛油果同水波蛋中和返，沙律菜加埋少許醋汁，酸酸地好開胃！😋
食哂都仲有位食埋個甜品添，perfect 🤩
呢家諗起又好想再食呢 😙❤️
🐷 慢煮咖啡豬腩菠菜多士 配水波蛋
慢煮咖啡豬腩菠菜多士 配水波蛋
6 views
0 likes
0 comments
2塊厚切大大塊嘅豬腩，蓋過咗下面嘅酸種多士，夠哂霸氣 😆 豬腩索哂汁夠入味，脂肪比例均勻，肉質都算軟腍 😀
慢煮咖啡豬腩菠菜多士 配水波蛋
8 views
0 likes
0 comments
最邪惡就係有2隻水波蛋！一篤開d蛋黃汁漏哂出嚟 🤤
🍵 Uji Matcha Latte
宇治抹茶味夠濃厚回甘，奶亦夠香滑 ❤️
Matcha Latte
5 views
0 likes
0 comments
☕ Mocha
朱古力同啡味比例適中，好香濃 😘
估唔到甜品比我想像中好食 😀👍
跟餐加配真係抵 🤩
🍫 紅桑子朱古力批
紅桑子朱古力批
3 views
0 likes
0 comments
朱古力味道夠濃郁，配埋紅桑子，就唔會覺得好漏，酸酸甜甜 😋
🥧 芝麻綠茶批
芝麻綠茶批
9 views
0 likes
0 comments
賣相已經吸引，個批上半部係綠茶，下半部係芝麻，面頭有黑白芝麻粒，再伴一點紅豆粒享用 😍
味道當然唔駛講，香、濃、綿 😚
真係完全合我心意，因為佢嘅批係冇平時d曲奇撻邊，所以更能完全感受芝麻同綠茶嘅味道，唔會俾其他味道搶走，我個人鍾意呢樣 ❤️😋
本身仲想食杯雪糕架，因為有我最鍾意嘅黑芝麻味 😍 但個肚已經飽到脹哂 😂 唯有下次啦 😆
Post
