Video
Read full review
2020-04-27
4328 views
逆市優惠，$59午餐自助。11：00-15：00，不用訂座。地方好大，呢個價錢真係蝕住做生意.....先係門口探熱、搓揉消毒液（防疫措施做得幾足），再入內付款買飛（張飛要保留最尾換雪糕，限取一人一份。）出邊夾野食都要戴翻口罩，埋位坐低食野先除口罩，每個食客都好自律，冷氣通風都做得好好，加上位同位之間相隔一段長距離所以都好放心用餐。沙律、水果、冷食、甜品、熟食、粉麵飯、湯、飲料，水準高，水果（西瓜、哈密瓜、菠蘿）新鮮，好甜多汁！炸物有麥樂雞、炸饅頭、春捲、咖哩角、雞翼.......其他小食有魚蛋、燒賣、滷蛋、牛腩、紅腸.......基本野炒麵炒飯都係熱既。蒜蓉包可能凍左無咁脆，不過味道可以~~另外湯有中西式，我飲忌廉湯不過不失。熱檸茶唔落糖都好飲，唔酸唔澀。甜品見有椰絲奶凍、華田奶凍、芒果布甸、啫喱，味道OK！窩夫微暖好脆有士多啤梨。門口位置有罐裝汽水同紙包飲品（黑加崙子、蘋果、檸檬茶、橙汁）多選擇，亦可以自己斟咖啡、奶茶、檸茶。最後，食完甜品可以用收據係門口換movenpick雪糕，我揀左楓糖核桃（稍微偏甜）。仲有士多啤梨、意大利奶凍、朱古力、呍呢嗱加埋有六款口味。食完，最令我回味既係
先係門口探熱、搓揉消毒液（防疫措施做得幾足），再入內付款買飛（張飛要保留最尾換雪糕，限取一人一份。）
出邊夾野食都要戴翻口罩，埋位坐低食野先除口罩，每個食客都好自律，冷氣通風都做得好好，加上位同位之間相隔一段長距離所以都好放心用餐。
沙律、水果、冷食、甜品、熟食、粉麵飯、湯、飲料，水準高，水果（西瓜、哈密瓜、菠蘿）新鮮，好甜多汁！
炸物有麥樂雞、炸饅頭、春捲、咖哩角、雞翼.......其他小食有魚蛋、燒賣、滷蛋、牛腩、紅腸.......基本野炒麵炒飯都係熱既。蒜蓉包可能凍左無咁脆，不過味道可以~~
另外湯有中西式，我飲忌廉湯不過不失。熱檸茶唔落糖都好飲，唔酸唔澀。甜品見有椰絲奶凍、華田奶凍、芒果布甸、啫喱，味道OK！窩夫微暖好脆有士多啤梨。
門口位置有罐裝汽水同紙包飲品（黑加崙子、蘋果、檸檬茶、橙汁）多選擇，亦可以自己斟咖啡、奶茶、檸茶。
最後，食完甜品可以用收據係門口換movenpick雪糕，我揀左楓糖核桃（稍微偏甜）。仲有士多啤梨、意大利奶凍、朱古力、呍呢嗱加埋有六款口味。
食完，最令我回味既係芝麻醬烏冬，同生果。
整體黎講，$59任食唔限時，食物質素不錯、種類都多，員工好有禮貌，很貼心。環境坐得舒服，真係無得挑剔。原來外賣都係做緊$29，宜家咁既環境，做飲食都無賺錢，甚至可以話係蝕住做！
所以薄利多銷，希望撐得住挨過呢個難關。
最後店入邊既員工真係都好好禮貌好體貼！
Post
