Little Tipsy Restaurant & Bar (Closed)

今晚朋友聚會，佢哋揀選左依間西餐廳。地點喺王子大廈樓上，確實係一間幽靜嘅西餐廳。晚市餐牌，食物選擇一般，不過價錢偏貴。芝士煙肉墨西哥薄餅 $98: 薄餅好細塊，應該只係餐前小食。北海道帶子墨汁意大利飯 $208: 意大利飯都叫OK，但係$200得三粒帶子。香橙蜂蜜烤雞 $218: 雞肉味都OK，不過份量細啲。燒豬肋骨拌薯仔沙律 $248: 豬仔骨味道都OK，烤得幾好。蜆肉意粉 $148: 呢個意粉都好OK，口感正宗。炸蕃薯條拌酸忌廉 $48: 全晚最鍾意係依個炸番薯薯條，味道好特別，好香口，食咗一條就停唔到口。朱古力心太軟拌雪糕 $68: 心太軟配上雲呢拿雪糕簡直係一絕，呢個甜品好味。意大利芝士蛋糕 $48: 呢個tiramisu就普通咗啲，咖啡味唔太出。埋單每人$208，因為主菜份量少，其實我當晚食得唔多野，不過同朋友相聚，可以傾偈傾成晚又OK嘅。