Video
Read full review
2020-05-26
102 views
難得呢排疫情舒緩左，當然係約朋友出去食黃店啦！我哋上網搵咗幾間唔同嘅cafe，結果見到咁多人討論桔梗，就決定要去食佢啦～因為有用到OpenRice book位，夜晚七點嘅人流又唔算多，所以我哋一入到去就有得坐。唔知係因為店員忙嘅關係，我哋聽唔清楚佢講咩，要自己摸索下先知原來好多嘢都係自助式，例如攞水攞餐具落單等等。但係我哋都留意到其實佢係有收加一，呢個位令我哋有少少扣分。而且我哋都發現去到夜晚7:30開始好多人，要喺舖頭出面排隊。我哋總共叫咗四樣嘢，分別係薯條、蕃茄培根豬頸肉燴飯、紅酒牛舌燴飯（遲上所以冇影）同埋美國牛仔骨。炸薯條（$68）呢個炸薯條好適合比較多人吹水或者等其他main course 嘅時候食，醬汁亦都好大眾化，大家都應該會鍾意食，不過以呢個份量來講價錢偏貴。美國牛仔骨($168)分量足夠，但係太過韌，結果其實有一半都食唔到。依個醬汁似係普通出面買漢堡包中間嗰層汁，唔係話好特別，呢個有啲失望。蕃茄培根豬頸肉燴飯 ($158)外表好吸引，將蕃茄燴飯、豬頸肉同流心蛋撈埋一齊，兩件事好match，增加左口感之餘亦都可以降低返茄汁嘅酸味，但係唔係咁覺得個會返入邊有煙肉。紅酒牛舌
我哋上網搵咗幾間唔同嘅cafe，結果見到咁多人討論桔梗，就決定要去食佢啦～
因為有用到OpenRice book位，夜晚七點嘅人流又唔算多，所以我哋一入到去就有得坐。
唔知係因為店員忙嘅關係，我哋聽唔清楚佢講咩，要自己摸索下先知原來好多嘢都係自助式，例如攞水攞餐具落單等等。但係我哋都留意到其實佢係有收加一，呢個位令我哋有少少扣分。
而且我哋都發現去到夜晚7:30開始好多人，要喺舖頭出面排隊。
我哋總共叫咗四樣嘢，分別係薯條、蕃茄培根豬頸肉燴飯、紅酒牛舌燴飯（遲上所以冇影）同埋美國牛仔骨。
5 views
0 likes
0 comments
炸薯條（$68）
呢個炸薯條好適合比較多人吹水或者等其他main course 嘅時候食，醬汁亦都好大眾化，大家都應該會鍾意食，不過以呢個份量來講價錢偏貴。
美國牛仔骨($168)
分量足夠，但係太過韌，結果其實有一半都食唔到
。依個醬汁似係普通出面買漢堡包中間嗰層汁，唔係話好特別，呢個有啲失望。
蕃茄培根豬頸肉燴飯 ($158)
外表好吸引，將蕃茄燴飯、豬頸肉同流心蛋撈埋一齊，兩件事好match，增加左口感之餘亦都可以降低返茄汁嘅酸味，但係唔係咁覺得個會返入邊有煙肉。
紅酒牛舌燴飯 （$158）
賣相非常之吸引，但係佢加咗幾粒提子落去，如果溝埋啲飯一齊食嘅話，其實果下係多咗幾層滋味，但係我又唔係覺得佢好夾個飯，因為啲提子本身帶酸而紅酒汁又有少少澀，其實兩樣野唔係話太match。
反而本身冇期待過嘅牛舌就好好食，唔會話太厚，亦都可以帶到佢嘅香味。
但係呢個飯唔係每個人都會鍾意～所以叫之前要衡量下先！
但係總括依然，其實冇其他人介紹得咁好食，只不過推薦係黃店所以會想試吓，而且店入邊環境好舒服，如果同幾個朋友嚟食吓野吹吓水都係不二之選。
但係如果你係為咗食飽肚嘅話，其實旺角都有更加多唔同嘅選擇～而且價錢都比較貴，間唔時一兩餐都可以承受到
Post
