Video
Read full review
2022-07-09
151 views
適逢朋友生日，揀左呢間位於大坑既The Socialhouse食生日飯，餐廳環境好有情調，而家係openrice 訂枱仲有9折優惠，都幾抵食 🥗Fresh Fig Salad ($148)前菜揀左無花果沙律，鮮甜既無花果配上新鮮爽脆既沙律菜，淋上意大利陳醋做沙律汁，仲有烘到脆卜卜既合桃，口感層次非常豐富，夠哂開胃 🥗Char-Grilled Squid ($168)我同朋友都好鐘意食海鮮，頭盤揀左炭燒魷魚，即叫即燒既魷魚真係好香，肉質爽口彈牙，份量都唔少，灑上少少辣椒粉同檸檬汁，口感都好清新 🐖1/4 Roasted Spanish Suckling Pig ($308)主菜方面當然叫左佢地既招牌菜烤乳豬啦，乳豬皮烤到脆卜卜，肉質好juicy又夠嫩滑唔會overcook，配埋佢地既乳豬醬，食多幾件都唔怕，果然係招牌菜！ 🦐Tiger Prawns Angel Hair ($198)主菜仲有呢個虎蝦天使麵，份量都大碟，上面加左芝士碎好香，天使麵煮到Al dente既狀態，配埋鮮嫩彈牙既虎蝦真係好好食 🍸Trentham River Reteat Chardonnay ($78)朋友叫左杯
🥗Fresh Fig Salad ($148)
前菜揀左無花果沙律，鮮甜既無花果配上新鮮爽脆既沙律菜，淋上意大利陳醋做沙律汁，仲有烘到脆卜卜既合桃，口感層次非常豐富，夠哂開胃
🥗Char-Grilled Squid ($168)
我同朋友都好鐘意食海鮮，頭盤揀左炭燒魷魚，即叫即燒既魷魚真係好香，肉質爽口彈牙，份量都唔少，灑上少少辣椒粉同檸檬汁，口感都好清新
🐖1/4 Roasted Spanish Suckling Pig ($308)
主菜方面當然叫左佢地既招牌菜烤乳豬啦，乳豬皮烤到脆卜卜，肉質好juicy又夠嫩滑唔會overcook，配埋佢地既乳豬醬，食多幾件都唔怕，果然係招牌菜！
🦐Tiger Prawns Angel Hair ($198)
主菜仲有呢個虎蝦天使麵，份量都大碟，上面加左芝士碎好香，天使麵煮到Al dente既狀態，配埋鮮嫩彈牙既虎蝦真係好好食
🍸Trentham River Reteat Chardonnay ($78)
朋友叫左杯白酒，店員推介食海鮮最好配白酒，就揀左Chardonnay，口感都幾fruity，配海鮮都幾夾
🍹 Cranberry Breeze ($58)
呢杯Cranberry Breeze係用上紅莓、橙汁加埋Sparkling Water調製既無酒精飲品，酸酸甜甜，飲落好清新，消暑解膩一流
🍰 Apple Napoleon
訂枱個陣講定係同朋友慶祝生日，想訂個甜品同用朱古力寫上壽星個名，點上蠟燭加上全場店員會唱生日歌，特別有氣氛，拿破崙既酥皮非常鬆脆，而且好香牛油味，上面加左肉桂蘋果，上碟個陣好香肉桂味，配埋香滑既吉士忌廉，口感好豐富
Post
