屋子空間 (Closed)

大圍愈來愈多新開嘅食店、文青cafe。屋子空間係其中一間嘅人氣小店，一棟三層嘅村屋改造成一間簡約清新的小屋。地面是煮食和下單區，2/F係用餐區，至於3/F係work shop。個日同朋友嚟到，雖然係平日嘅下午，但都坐滿咗食客。哩度嘅踩光幾好，所以感覺好舒服。下午嘅熱食餐點選擇唔算多，本來想食飯，但只有烏冬可以揀，我哋分別叫咗一個牛肉烏冬一個豚肉烏冬，哩兩款都有日式溫泉蛋、大量嘅肉片，烏冬好滑好煙韌，個燒汁幾好味，整體賣相唔算靚仔，但食落有驚喜。👍🏻另外仲叫左個小食—-台灣腸一口一粒，分量雖小但味道唔錯，好香豬肉味，是偏甜個種台灣腸。😋飲品我哋叫咗果茶，味道正常，幾大杯！