桃子Cafe (Closed)

第一次寫食評，原因係唔想大家中伏。朋友話呢間餐廳蛋包飯評價唔錯 ，而且唔需要排隊（後來知道冇人排隊係有原因），所以決定試下。進食期間有好多蚊飛來飛去，有隻蚊飛落我碟蛋包飯上面，我向老闆反映之後佢竟然叫我唔好食嗰部分，叫我哋諒解店舖旁邊有後巷難免蚊蟲多。後來更有多一隻蚊喺漢堡扒上面行，我嗰刻已經冇哂食慾，內心只係想快啲離開。呢間餐廳不但食物衛生令人懷疑，老闆嘅態度亦令人不解。就算餐廳外面冇人等位都唔會想久留，寧願去附近商場同朋友行街傾計。一句講哂，絕對冇下次。