瀛喜日本料理 (Closed)

有時放假ge日子只想重量多於重質咁食食食食食，屯門無放題，向元朗著手，陳震夏附近有雋太，交通廣場有瀛喜，二揀一，反正在荃灣吃過瀛喜印象ok，就先食呢間，前一日訂位有鮑魚送，btw唔好太大期望，但又唔會失望。食咁多間放題，這店有十幾張點菜紙最開心，每張總有心水，夠吃飽，不過呢間分店座位就係一室四四方方密集式坐法，同隔黎檯得幾吋距離，職員又好似無表情趕時間咁，頭五分鐘印象不好，但食物陸續黎係真係有驚喜，與環境配套有正面對比。炸物做得好好，上菜後依然係燙口到要攤一陣先食，已經加分，隨後再點一些放題必備的芝士年糕、薯餅等等，都一樣炸得香脆，懶理急凍來貨，總之成品美味，而且在家不會炸食物來吃。另外軍艦壽司做得好好，係一般壽司店份量，前後點了近12件軍艦，都係飽滿，紫菜依然乾身薄脆，枝豆是打發等候上菜的最佳良伴，每次都會點來過下口癮。其實每家放題的食物來來去去都大同小異，迷你甜薯是心水推介，羊架大件頭又夠臊，最後encore再encore的是燒菠蘿，實在難以抵擋燒菠蘿的魅力，燒過後甜度增加，更加濃郁，而且每每覺得菠蘿、木瓜是幫助消化的最佳拍檔，所以不怕多吃。總括而言，服務與環境都有點扣分，不過食物