Le Three (Closed)

以前聽到朋友話觀塘有間好有品味嘅餐廳 ，今日經過觀塘，就同朋友一齊嚟試下 ，果然餐廳的設計係好特別，畀我去到一個歐洲城市希臘的感覺。在這地方去品嚐我嘅晚餐，真係別有一番風味 ！這裡主要食西餐，我同我朋友叫咗個套餐，首先青口薯蓉仔湯， 啲青口嘅味道好新鮮，同啲薯蓉好夾，非常好味。前菜係鮮果藜麥煙三文魚沙律， 藜麥伴三文魚好特別、好健康、都恰到好處。跟住呢一個香煎挪威鱈魚柳忌廉汁蟹子意粉，份量都非常之多喎，意粉好爽、忌廉汁配搭蟹子配搭都好好 ，如果魚柳再煎香啲、再熱啲、就更啱我口味。第二個套餐係火箭菜巴馬 火腿薄餅，火箭菜好新鮮 ，配搭巴拿馬火腿，薄餅好脆，真係幾好味、幾特別，真係一個唔錯嘅選擇。跟住喝杯咖啡，真係完美嘅句號。