紫玉蘭 (Closed)

又有長輩約食飯，所以就揀左中環的紫玉蘭，貪佢都近地鐵站方便，同埋平日晚上唔算太多人唔會太嘈雜，又坐得舒適。難得今晚去到有個套餐，用信用卡特價，有個4人餐折後$828，有5餸兩小食仲有小籠包同甜品，抵wow ! 值得一試先來兩小食，上海素腐方唔錯，好多材料酸酸甜甜幾開胃。蔥油海蜇頭就略淡，海蜇頭都幾爽同脆，但個調味可以加重少少，如果加D麻油會更香。竹笙海皇羹就好足料，湯底味道合適，不過我媽就話好「杰」，可能落生粉太多了，佢話飲完個湯都飽左一半~ 鮮雞炒蝦球帶子就好鮮味，帶子同蝦都好新鮮，加返分! 連埋D黃紅椒同埋脆肉瓜一齊炒，好爽口同埋好鮮甜! 但接住黎既樟茶鴨就麻麻，雖然份量好足，聞落都好香，但食入好就好咸! 可能醃得過左了! 變到D肉都有D鞋，影響埋D肉質! 就算配個D饅頭蝴蝶包食都係咸過龍…而另外有一樣有D失望既就係個豆板燴時蔬，呢味用左莧菜去煮，但D菜又係煮過哂龍，好多榨! 雖然個味都係唔錯，豆板醬幾香同適量，但個菜本身已好老了，又不免扣分呀…同炒帶子D時蔬完全成一個反比~好彩之後既松鼠黃魚都叫唔錯，做到外脆內嫩、酸甜度吸引，為返之前個鴨同個菜加返分! 而且由於個套餐冇飯麵，佢加