Video
Read full review
2022-09-01
147 views
老公生日，話想食日本壽喜燒，上網搵到呢間，提早3星期前係OpenRice 訂位。佢地晚市做6-8pm同8-10pm兩輪。餐廳只得4張4人枱，牆身掛左幾幅日本畫，裝修簡單，見佢地枱上既燈罩積晒塵，環境俾我地的感覺好一般。侍應先遞上兩杯凍抹茶，飲落帶點artificial 既蜜桃香，幾特別。我地2個都揀左Set C 澳洲+日本A5和牛，諗住試下唔同產地牛肉的口感。無幾耐就上三小碟前菜：和牛餃子、蘿蔔漬物同燒和牛吞拿魚蓉壽司。和牛餃子餃皮厚度適中，一咬開有幾多肉汁流出，可惜食到一大舊根，和牛碎味亦唔算好濃，有點兒失望。白蘿蔔配上柚子漬，呢個組合好難難食，味道正常，無乜驚喜。最好食係個壽司，和牛輕輕燒一燒，食到牛肉的油脂香，配上吞拿魚蓉同少許醬汁，份量剛剛好一口食，唔錯👍🏻。食壽喜燒前，職員會問客人所需飯量，同埋有無配料唔食，呢個係幾貼心。職員燒每款肉之前都會先作介紹，整體我覺得日本A5和牛真係無得輸，肉質柔軟油脂香重，配日本無菌雞蛋汁食更香滑，淨食沾蛋兩種食法，好滿足 😋 當中肩胛芯最得我歡心， 肉味濃又夠juicy😍 如果用埋個蛋汁黎撈飯食就完美。佢哋每燒一樣新野都會落適量自家制壽喜燒汁，
餐廳只得4張4人枱，牆身掛左幾幅日本畫，裝修簡單，見佢地枱上既燈罩積晒塵，環境俾我地的感覺好一般。
侍應先遞上兩杯凍抹茶，飲落帶點artificial 既蜜桃香，幾特別。
我地2個都揀左Set C 澳洲+日本A5和牛，諗住試下唔同產地牛肉的口感。
無幾耐就上三小碟前菜：和牛餃子、蘿蔔漬物同燒和牛吞拿魚蓉壽司。
和牛餃子餃皮厚度適中，一咬開有幾多肉汁流出，可惜食到一大舊根，和牛碎味亦唔算好濃，有點兒失望。
白蘿蔔配上柚子漬，呢個組合好難難食，味道正常，無乜驚喜。
最好食係個壽司，和牛輕輕燒一燒，食到牛肉的油脂香，配上吞拿魚蓉同少許醬汁，份量剛剛好一口食，唔錯👍🏻。
食壽喜燒前，職員會問客人所需飯量，同埋有無配料唔食，呢個係幾貼心。
職員燒每款肉之前都會先作介紹，整體我覺得日本A5和牛真係無得輸，肉質柔軟油脂香重，配日本無菌雞蛋汁食更香滑，淨食沾蛋兩種食法，好滿足 😋 當中肩胛芯最得我歡心， 肉味濃又夠juicy😍 如果用埋個蛋汁黎撈飯食就完美。
佢哋每燒一樣新野都會落適量自家制壽喜燒汁，味道偏甜，愈食唔同配料會愈覺得咸，不過唔會去到好想飲水的程度。
和牛碎炒飯比較濕，味道正常。
甜品係豆腐雪糕，本身確認訂座時話安排個生日牌插上去，但侍應唔記得左 😔 最後要我提佢地先記得，比較失望。
雪糕豆味濃入口幾滑幾creamy，好食😋
整體初次體驗唔錯，環境服務一般但食物質素屬於中上水平，CP值高，可以一試。
如果想慶祝生日帶蛋糕，呢度免收切餅費，係一個好選擇。
和牛碎炒飯
1 views
0 likes
0 comments
豆腐雪糕
2 views
0 likes
0 comments
Post
