極品靚鍋 (Closed)

今日天氣突然轉熱，但都唔會阻礙到我去打邊爐嘅決心，再次黎到呢間極品靚鍋，貪呢度空間感好，食野嘅時候唔會覺得好焗促。店員安排入座後就可以用QR CODE 點餐，QR CODE 點餐嘅好處就係環保而且方便，十幾款嘅火鍋湯底入面我就簡左海鮮鍋試。食物送上後可以見到肉類會有名牌，方便之後可以再點返想食嘅肉類。肉類種類相當豐富，例如有極品黑毛豬肉、美國安格斯肥牛、封門柳、澳洲短角牛牛柳等，每款肉類肉質都鮮嫩可口，而仲有任點嘅韓國生蠔。蔬菜、甜品同飲品就位於自助區，款式亦相當多。