本店 (Closed)

☆ 本店將軍澳唐俊街18號The Parkside第一座地下G07號舖首先想講呢到服務係好好，環境裝修都令人感覺置身日本咁，但係食物質素真係令人失望(´༎ຶོρ༎ຶོ`)✦ 蟹肉菠菜沙律味道不錯，菠菜都好嫩。✦ 串燒雞腎、牛舌、牛肋肉、雞腿肉雞腎偏硬，其他正常發揮，但每一串都感覺d肉好奀咁。✦ 明太子玉子燒比較乾身同老左d，明太子份量可以見到相對都好少下。✦ 西京燒銀鱈魚咸，食唔到西京燒應有嘅味道，肉質還好，皮唔脆。✦ 唔記得咩湯叉燒拉麵湯底味道不錯，麵質都正常，但叉燒好薄，薄到一夾就爛，而且得2塊。✦ 三文魚籽海膽生蠔最後先上到嘅食物，但我已經食完熱食，而且侍應上枱時問：係唔係再加左一份？咁其實我呢一份放左幾耐呢？而且其實一望，都真係幾唔吸引，好似出左好多水，海膽又好似半溶狀態咁，重點係好腥ಥ_ಥ 食完個口都腥左好耐，唉。✦ 荔枝乳酸梳打買一送一，但係都幾難飲，感覺個買一送一就係將杯野一開二咁。再講一次，呢到服務同環境都真係ok，如果大家食過覺得食物ok咁可能係我當日唔好彩啦，多謝收看。