Chef's Stage Kitchen

Open Now

Now Closed

絕對推介想坐得舒服，慢慢享受嘅人嚟呢間餐廳！大量闊落梳化卡位，配合埋古典歐陸風裝修，好好嘅享受！服務態度好好，幾位侍應都好主動介紹餐牌，加水，抵讚！食物方面Lunch Menu選擇都好多元化，除咗All Day Breakfast, 有多款risotto pasta，牛/雞/魚，總有一款啱你心水。每個星期換menu一次，所以可以食完再黎，唔怕冇新鮮感。跟餐有餐湯，餐包，沙律。沙律唔係用青瓜，係用青蘋果，味道好清新好特別。牛肝菌，雜菌，松露醬燴意大利飯好好味！個松露醬汁好香濃，乾濕度剛剛好，燴飯軟硬適中，飯入邊係有大量嘅牛肝菌同雜菌，食起上嚟感覺健康，唔會好膩，推介！廚師今日推介—燒法國春雞朋友叫咗今日廚師推介嘅特別Menu，真係整得好出色！春雞燒得剛剛好，落咗多款香料喺面度燒，而且燒得唔會太燶，肉質好嫩滑，配埋西子燒汁，甜甜地地得來好惹味！推介大家試飲接骨木玫瑰花茶（只有凍）有清香嘅玫瑰花香，仲有少少蜜糖嘅清甜，好適合大家喺夏天飲。