甜入心 (Closed)

見裝修幾靚 就嚟試食 一同四人 好好彩可以坐到千秋位 隔離仲有果茶 成個環境好靚很不錯入到去睇睇餐牌 款式都唔錯 仲會有唔同期限嘅甜品而我揀嘅係公主出巡 價錢唔貴而又多野食 裡面有個咖啡果凍 好香好好食 依個真心一讚 冇諗過有咁重嘅咖啡味 而雪糕下面有牛奶布丁 裡面有啲個樣好似西米但係口感似爆珠嘅粒粒 為布丁增添咗口感 加埋啲果凍食 一流而朋友嗌咗個心太軟 揀嘅係新款 味道冇試唔清楚 但個人建議食舊款比較好 因為新款難食到心太軟蛋糕嘅口感 似朱古力醬加蛋糕 賣相都冇舊款個流心感 而且蛋糕比較痴個碗仔 估計係因為冇搽牛油 變相感覺差啲不過整體唔錯 絕對會再食！