本店 (Closed)

今次黎到將軍澳搵食，就揀左日本餐廳 - 本店。餐廳既裝修好有日本氣氛，餐廳門面已經充滿住日本神社既神秘感，而室內裝修都一絲不苟地佈置出日本風格，座位都係超寬敞，坐得好舒服～餐牌上選擇超多，前菜，壽司，炸物，串物，燒物，煮物，一品料理等等，實在係多到難以選擇呢～最後我地決定揀晚市套餐（二人前 每位$368), 勝在佢有多類型既食物，感覺比較全面同抵食！二人晚市套餐包括胡麻豆腐沙律，廚師發板刺身拼盤，廚師發板串燒，雜錦天婦羅，蒲燒鰻魚飯，甜品，都幾豐富！胡麻豆腐沙律各有一大碗，豆腐味好香濃，又夠香滑，沙律菜都好新鮮！廚師發板刺身拼盤有四種刺身，呢晚我地就食到三文魚腩，油甘魚，八爪魚，拖羅。最欣賞係三文魚腩同拖羅，魚油香味出眾，肉質非常新鮮軟腍！另一樣由廚師發板既就係串燒，共三款每人各一串，有燒露荀，免治雞肉串，雞腿肉串燒，全部都幾香口，免治雞肉串既肉有小小軟骨，口感係幾特別，而雞腿肉肉質都結實，感覺餐廳有認真挑選過食材。雜錦天婦羅非常出眾，外皮香脆得黎係非常之薄！非常值得讚！我地呢晚就品嚐到既大蝦，茄子，蕃薯，冬菇～蒲燒鰻魚飯份量都大，佢既醬料味道就比較濃，鰻魚經微微燒過，都有少少脆口。呢