Chef's Stage Kitchen (愉景新城) (Closed)

叫咗嘢食之後店員會送上餐前麵包，分別有麵包脆甜同埋提子麵包，呢度唔係用平時嘅橄欖油同埋醋，係用橄欖油加上一種類似千島醬嘅醬汁，味道都幾特別，配上麵包食，有種搽咗cream cheese嘅感覺。今日嘅餐湯係南瓜湯，南瓜味濃郁。沙律係紅菜頭沙律，口感清新，仲有土同埋橙嘅生果等。主菜叫咗一個黑毛豬胺扒，配菜有薯條，蕃茄什錦蔬菜，同埋一粒焗蒜。豬扒係全熟，但係烹調時間恰到好處，所以口感唔會太乾柴，外層嘅脂肪煎得好香口，配上黑椒醬汁更可口。更外仲要左一份蜆意粉，蜆超級大隻，係平時出面食到嘅兩三倍，味道鮮甜，果然係一分錢一分貨。