泰聚 (Closed)

因朋友生日，而一行4人去呢到食飯慶祝，沒有Book位，walk in 時大約7:10pm。職員話要8:30pm交枱，只有個半鐘用餐時間。我地前後叫左7款食物1個湯3杯飲品，我地先叫左~冬陰公(大)好咸(飲左少少無飲)，柚子沙律尚可，炸蝦餅幾好食，串燒唔夠熱，炒芥蘭偏咸，蝦刺身尚算爽口，蝦醬炒飯一般。之後再order左咖哩炒軟殼蟹(賣相完全唔似咖哩，食落更完全無咖哩味，加上佢地用三色雜豆mix埋。朋友問係咩，個男職員仲要話開店咁耐佢地廚師都係咁整，唔覺有咩問題。本人同朋友食咁多次咖哩都未見過會用雜豆mix)之後order3杯飲品，一位朋友要檸檬梳打，本人同另一位朋友要"椰汁三色珍多冰"，個男職員大大聲話個餐牌錯無呢種飲品，佢話得三色/珍多，朋友問有咩分別，個男職員大大聲問隔離執緊枱個阿姐，之後佢仲悔氣問我地要邊隻，我地識分唔洗問啦！間餐廳明知個餐牌錯，都唔去修改，仲要咁既服務態度，朋友異口同聲唔會再幫襯呢間"泰聚"。