HMV Kafé (Closed)

今天約了友人去銅鑼灣食午餐，想找一個比較清靜的環境食下嘢，就諗到位於百德新街的HMV Cafe。之前嚟過呢度，覺得好清靜舒服，這裏沒有太多人，而且一定有位。餐廳還有一個大銀幕在播放MV，食嘢傾計之餘，又可以聽下歌，睇下MV，是個吾錯嘅食飯地方。這裏的set lunch好抵食，主菜連餐飲只是＄58至＄88不等，共八款可供選擇，另可加錢食沙律吧或餐湯，亦可選擇加甜品。由於之前曾經加錢食沙律吧，食完非常飽，所以今次只食主菜和飲品，不加任何東西。今次主菜選擇左個炸魚柳芝士漢堡包，厚厚上下兩塊麵包，中央夾着炸得鬆脆香口的魚柳，還有香濃的芝士片和番茄，生菜， 個口要開得好大才可把所有食材放進嘴裏一齊食，感覺非常滿足，而且味道好好。伴碟還有一杯粗粗的炸薯條，粗度比一般的還要粗出二倍， 可能因為薯條夠粗，所以食落唔覺得好乾，一口就食到好多薯仔肉，這是我食過咁多薯條中最喜歡的👍餐飲就叫了熱檸檬茶，希望一洗主菜油膩嘅感覺。喜歡這裏的餐飲是整壺上的，斟到兩至三杯，可以慢慢飲，慢慢傾計。紅茶是一般英式的茶包，不會太濃，加上兩片檸檬，感覺好舒服。這裏的食物質素，每次來都覺得吾錯，侍應態度又好有禮貌，而且價錢唔貴