HanMade Teahouse Cakes Flowers (Closed)

最近由於疫情關係冇得去旅行，冇得食好嘢同埋影靚相，所以就諗住喺香港搵啲靚地方食下野打下卡。朋友推介我去呢一間位於愉景灣嘅茶室，一見到張相望落去環境好舒服，感覺好chill，所以即使喺愉景灣咁遠都即刻同friend約咗去食。雖然啲食物望落去好似好中式同埋好乾，但食落去一啲都唔覺得乾。由於我食嘅係芝士蛋糕，食得多有啲膩，但係配埋杯水果茶就啱啱好，水果茶味道清新，完全可以沖淡芝士嘅油膩，所以好建議大家可以叫一壺茶同一件蛋糕，咁就係一個完美嘅下午茶啦！