Video
Read full review
2022-06-08
24 views
Yolo cafe n bar 🍻今日出咗旺角做嘢午餐嘅時候見到呢一間裝修好精緻坐落都好似好闊落，想唞一唞就入咗去諗住食一個set lunch店員態度服務好好，唔會趕你走，可以慢慢休息👍🏻嘢食都幾多選擇！平日限定嘅set lunch價錢好抵食所以就叫咗一個香辣蝦扁意粉配髒髒咖啡☕️同埋加$30就有一件當日嘅甜品我嗰日就係一個Oreo嘅cheese cake～ 香辣蝦扁意粉 $118味道來講唔算十分之辣，我平時食開辛辣麵就覺得食呢一個意粉完全唔需要再飲嘢都可以接受，香味好足，係有種好開胃嘅感覺，值得一讚嘅係啲蝦超級多，大概有八至10隻，全部都非常彈牙唔會會霉身，我覺得蝦肉呢個價錢來講好好食，扁意粉我好鍾意個質地，比較有彈性同質感，我唔鍾意偏林嘅意粉🍝呢一個扁意粉夠入味又彈牙，配埋少少沙律菜整體係一個比較清新嘅選擇！跟餐叫咗一杯髒髒咖啡☕️開頭我以為會加左可可粉比較甜嘅可可咖啡，但係實際上係咖啡味好濃！一上到枱有兩三種層次，有鮮奶同咖啡，未攪拌前咖啡嘅味道比較酸苦，香得來有少少果味，我個人覺得比起一般好甜嘅咖啡來講有質感，但係酸味重就要睇吓大家平時飲開嘅咖啡係鐘意咩味道，呢杯係成熟大人嘅口味～
今日出咗旺角做嘢
午餐嘅時候見到呢一間裝修好精緻
坐落都好似好闊落，想唞一唞就入咗去
諗住食一個set lunch
店員態度服務好好，唔會趕你走，可以慢慢休息👍🏻嘢食都幾多選擇！
平日限定嘅set lunch價錢好抵食
所以就叫咗一個香辣蝦扁意粉配髒髒咖啡☕️
同埋加$30就有一件當日嘅甜品
我嗰日就係一個Oreo嘅cheese cake～
香辣蝦扁意粉 $118
味道來講唔算十分之辣，我平時食開辛辣麵就覺得食呢一個意粉完全唔需要再飲嘢都可以接受，香味好足，係有種好開胃嘅感覺，值得一讚嘅係啲蝦超級多，大概有八至10隻，全部都非常彈牙唔會會霉身，我覺得蝦肉呢個價錢來講好好食，扁意粉我好鍾意個質地，比較有彈性同質感，我唔鍾意偏林嘅意粉🍝呢一個扁意粉夠入味又彈牙，配埋少少沙律菜整體係一個比較清新嘅選擇！
跟餐叫咗一杯髒髒咖啡☕️
開頭我以為會加左可可粉比較甜嘅可可咖啡，但係實際上係咖啡味好濃！一上到枱有兩三種層次，有鮮奶同咖啡，未攪拌前咖啡嘅味道比較酸苦，香得來有少少果味，我個人覺得比起一般好甜嘅咖啡來講有質感，但係酸味重就要睇吓大家平時飲開嘅咖啡係鐘意咩味道，呢杯係成熟大人嘅口味～
前菜叫咗一個肉醬焗大啡菇$78
佢肉醬上面仲鋪咗好多芝士，醬汁方面蕃茄同芝士味道係十分濃郁，配上啡菇嘅味道就啱啱好啦！啡菇肉地真係好厚好有口感，雖然係焗菇，但仍然保留多汁嘅口感唔會太乾身，加埋肉醬好有層次感！
Oreo cheescake $30
唔係New York cheese cake嗰種質感，係比較鬆軟嘅Moose cake感覺, 成個蛋糕分咗三個層次,中間層cheese同Oreo嘅cream好rich , Oreo味偏甜, 奶味好重, 質地滑身，特別啱鍾意食甜品嘅人
呢一間除咗嘢食質素唔錯之外，最舒服嘅真係環境坐得好闊落之餘，出邊有好大個落地玻璃門，可以睇吓出邊嘅風景，唔會侷促，傾偈感覺都好自在，佢夜晚好似仲會有Shisha水煙，不過我嗰陣晏晝去食就冇去啦，下次嘅話都可以夜晚睇吓會唔會唔同嘅感覺❤️
芝士焗大啡菇
$78
0 views
0 likes
0 comments
香辣蝦扁意粉
$118
1 views
0 likes
0 comments
Oreocheese cake
$30
0 views
0 likes
0 comments
髒髒咖啡
0 views
0 likes
0 comments
Post
