草民 (Closed)

星期六lunchtime黎到尖沙咀行街行到攰想搵間cafe坐下朋友介紹依間草民 上到去見唔洗等位就入座喇依度嘅職員服務態度幾好見到有客人食食下想轉另一張枱影相 佢哋都好樂意協助坐低左就即刻睇睇餐牌喇我哋入門口時睇到嘅lunchset menu 原來只係平日一至五先有嫁唯有單叫 單叫價錢會貴過lunchset double有啲偏貴朋友叫左鮮蝦汁蟹肉蘆筍扁意粉而我就叫咗南瓜蘆筍雜菌意大利飯食物上到黎 賣相好吸引我試左少少朋友嘅意粉 佢嘅意粉汁非常香濃 係傑身嘅醬汁黎嘅成碟意粉同醬汁均勻拌好 即使連底嘅意粉都係充滿醬汁好惹味 自己超級鐘意 不過朋友就覺得有啲咸面頭配有少少蟹肉 份量唔多 不過同醬汁一齊食落好夾而意大利飯 南瓜同忌廉味好濃厚 飯嘅軟硬度都非常適中食落有軟綿綿嘅口感面頭有一條粗身蘆筍 我覺得煎得剛剛好表面香脆得黎入面係有水份嘅 如果份量多啲就更好喇由於價錢偏貴 我哋都冇再叫飲品不過食物整體都有啲濃味 食完會有少少口渴而座位方面 雖然佢係一間cafe不過座位略嫌太密集 坐落唔算話好舒適所以我哋留咗一陣就走喇整體來講 依度嘅食物質素唔差 食得出有用心烹調如果係平日跟lunchset