Video
Read full review
2014-01-19
3018 views
是日同蘿拔仔享受星期六的休閒午餐和逛街後，蘿拔妹相約友人在中西區午餐。蘿拔妹突然想起上環既The Green Lounge好似幾好食，但平日上班午飯時間唔夠時間等位，於是決定今晚到訪！ 友人OT到夜晚八點，所以蘿拔妹決定早d去攞位。去到既時候發覺全間餐廳竟然無人！實在好驚訝@.@ 餐廳燈光微暗，裝修、桌椅等都好簡潔，還輕播著張敬軒的情歌，蘿拔妹一個人在等友人都覺得好輕鬆 友人來到後，一起order了兩個set share － truffle carbonara同埋沙嗲一丁漢堡配薯條！如果轉special drinks既話要加＄12，看drinks menu不太吸引，所以都係要返跟set既english breakfast tea。 意粉餐跟的番茄湯，食得出是罐頭開出的湯，雖然無咩特別但酸酸地都叫開胃吧☹carbonara好快就到，presentation好整潔，意粉上有一隻溫泉蛋，仲有一撮松露醬（相片中的已經被我地食左幾著，食之前唔記得影相sorry）。蘿拔妹對carbonara有極大既狂熱，只要餐牌上面有就一定會叫！呢個truffle carbonara算是合格，意粉雖不算al de
蘿拔妹突然想起上環既The Green Lounge好似幾好食，但平日上班午飯時間唔夠時間等位，於是決定今晚到訪！
友人OT到夜晚八點，所以蘿拔妹決定早d去攞位。去到既時候發覺全間餐廳竟然無人！實在好驚訝@.@
餐廳燈光微暗，裝修、桌椅等都好簡潔，還輕播著張敬軒的情歌，蘿拔妹一個人在等友人都覺得好輕鬆
友人來到後，一起order了兩個set share － truffle carbonara同埋沙嗲一丁漢堡配薯條！如果轉special drinks既話要加＄12，看drinks menu不太吸引，所以都係要返跟set既english breakfast tea。
意粉餐跟的番茄湯，食得出是罐頭開出的湯，雖然無咩特別但酸酸地都叫開胃吧☹
carbonara好快就到，presentation好整潔，意粉上有一隻溫泉蛋，仲有一撮松露醬（相片中的已經被我地食左幾著，食之前唔記得影相sorry）。蘿拔妹對carbonara有極大既狂熱，只要餐牌上面有就一定會叫！呢個truffle carbonara算是合格，意粉雖不算al dente，但都有足夠嚼勁，蘿拔妹最怕lum bat bat既意粉/.\ 醬汁伴溫泉蛋都好香口，每條意粉都黏到足夠醬汁，唯一不足食松露醬不香！蘿拔妹就算之前買松露醬在家炒飯一上檯都香到不得了！
之後就到此店的創新菜色沙嗲一丁漢堡配薯條，首先試條薯條，炸得有點過火，脆到kok kok聲，入面空心全無薯肉，薯條質素不好
之後將漢堡包切開一半，發現入面仲有隻太陽蛋！仲好流心！試一淡後，好失望☹ 首先，話明係一丁嘛，我expect我會咬到d有些少口感既麵，但係d麵係lum到漿一樣…. 沙嗲味不足、無牛肉味，反而隻太陽蛋漿香就搶晒鏡！
雖然呢個漢堡係將茶餐廳既一般野：沙嗲牛麵、煎蛋、包、炸薯條重新組合，但如果用比較好的材料同控制好火候係可以好好食的！這個菜進步空間甚大！
Set可以加＄40蚊要甜品（甜品原價都要＄50-＄60，頗貴呢！），友人同蘿拔妹都想試綠茶心太軟，發現實物都幾大個！好彩無叫兩個甜品 一切開心太軟，沒有想像般流心，只有很杰很杰既綠茶漿以極緩慢的速度流出來，我個人是接受的，始終流心流到一碟都係好難搞xd
綠茶味算足夠，不算太甜，重有雪糕、棉花糖同紅豆蓉配埋一齊食好滿足！奇怪的是蛋糕的質地好軟，軟到有d奇怪。除左呢樣，都算過關啦。蘿拔妹覺得川善茶居的綠茶心太軟好食d！仲有成世人食過最好味既朱古力心太軟係hit the road café☺ 好飽好飽！兩個人只係食左＄230，還多謝友人請客xd 呢個價錢，合計location、環境、食物質素、服務，仲可以坐耐d慢慢傾計，都算抵啦！蘿拔妹下次一定會同蘿拔仔去，因為見到有位外國人叫左eggs benedict，個樣好吸引
Post
