Video
Read full review
2010-10-17
166 views
星期日又要揾間好餐廳食晏。見到沙嗲軒嘅海南雞飯好吸引。於是就一家人去試試。唔知多唔多人，訂定位穩陣d。點知去到，全場只得一枱客！真係無人喎！我地係第二枱，之後再黎多一枱，到我地走嘅時候都只係等三枱！由於客人少，環境相對好。好靜，好啱傾偈；坐得舒服。由於我地成家都大食，所以點了很多食物，海南雞飯要encore。首先要了三杯lime soda，好大杯。味道幾濃，青檸味很出，又不會太甜。共點了2個海南雞飯、喇沙、串燒、加多加多、福健春卷。海南雞飯先來，雞份量不算多，剛好夠每人兩件度。都唔明點解度度食海南雞都食到到喉唔到肺。海南雞質素很高，已起骨，雞皮下層是已凝結了的雞汁啫哩。雞皮夠瘦，連皮食一流，雞很嫩滑啊！雞飯也是另一樣引誘我地叫第二個海南雞飯的東西。雞飯不油不膩，但就好夠味配埋三色醬汁，無得彈！喇沙就較一般，因為個湯底超油。有層一椰油 + 紅油在面浮呀浮~配料有魚蛋、豆卜、蝦同蛋。用上好有彈性嘅瀨粉，夾都難夾d~湯底雖肥，但好濃味，椰味又勁！加多加多呢個都係一般，敗於個醬汁。個醬汁較稀，花生醬味不夠濃郁，而且個味道有少少怪。蔬菜完全無味，而個醬又唔能夠為無味嘅蔬菜吊味，所以整體好一般。福
唔知多唔多人，訂定位穩陣d。點知去到，全場只得一枱客！真係無人喎！
我地係第二枱，之後再黎多一枱，到我地走嘅時候都只係等三枱！
由於客人少，環境相對好。好靜，好啱傾偈；坐得舒服。
由於我地成家都大食，所以點了很多食物，海南雞飯要encore。
首先要了三杯lime soda，好大杯。味道幾濃，青檸味很出，又不會太甜。
共點了2個海南雞飯、喇沙、串燒、加多加多、福健春卷。
海南雞飯先來，雞份量不算多，剛好夠每人兩件度。都唔明點解度度食海南雞都食到到喉唔到肺。
海南雞質素很高，已起骨，雞皮下層是已凝結了的雞汁啫哩。
雞皮夠瘦，連皮食一流，雞很嫩滑啊！
雞飯也是另一樣引誘我地叫第二個海南雞飯的東西。雞飯不油不膩，但就好夠味
配埋三色醬汁，無得彈！
喇沙就較一般，因為個湯底超油。有層一椰油 + 紅油在面浮呀浮~
配料有魚蛋、豆卜、蝦同蛋。用上好有彈性嘅瀨粉，夾都難夾d~
湯底雖肥，但好濃味，椰味又勁！
加多加多
呢個都係一般，敗於個醬汁。個醬汁較稀，花生醬味不夠濃郁，而且個味道有少少怪。
蔬菜完全無味，而個醬又唔能夠為無味嘅蔬菜吊味，所以整體好一般。
福健春卷
用米紙包住餡料，餡料有生菜、肉鬆同少少蝦。
味道又是偏淡，好靠個醬汁。呢個醬汁較濃味，酸酸地，開胃。
串燒
3串牛同3串豬，燒得香噴噴。外層燒得乾，而裡面仲好JUICY。
個沙嗲醬好夠味，醬汁內有BLEND 得微碎嘅花生粒，惹味。
除咗個醬之外，仲有青瓜、PINEAPPLE 同乾蔥伴碟。
整體非常滿意，環境十分寧靜舒適。
Post
