Glow - Oyster Bar & Grill (Closed)

男友帶我黎慶祝生日，呢到好有氣氛，每張枱都放左個月亮球燈  好適合黎慢慢食野傾下計。餐廳主要以燒烤同海產為主，見到格離枱生蠔好似唔錯咁，可惜我肚仔唔爭氣，下次先黎試。食物好有水準，賣相又好，價錢適中，服務都唔差，會慢慢介紹菜色，今次兩個人叫左四樣野，每人平均三百五左右。Hand-cut Potato Chips $68牛油果同蝦肉加檸檬汁撈埋一齊，酸酸甜甜咁，加上脆口既墨西哥片一齊食，幾清新開胃。Assorted Seafood $328 有大蝦兩隻、一大條八爪魚鬚、鱸魚、青口三個及蜆肉三個，食得出好新鮮，仲有好香既燒味，樣樣都整得剛剛好，唔會太鞋又唔會太韌，估唔到咁好食。Spaghetti $188鴨肉醬既味道好濃郁，肉質嫩滑，杰度岩岩好，令到條條麵都點到醬汁。GLOW Tiramisu $98 賣相同平時既好唔同，咖啡味道好濃，唔太甜，除左滑口既Cream同半淋質感既手指餅，面頭仲有幾塊脆餅，令到口感好豐富，好好味。