The Pantry (Closed)

適逢元宵佳節，要揀滿足到女友大人的餐廳實在唔容易。朋友介紹我去呢一間The Pantry,話有夜景睇，食物又唔錯，最緊要係個甜品好好食，女友大人一定滿意。一坐低，女友大人已經開始同個維港夜景瘋狂自拍，聖誕燈飾仲未拆，影出嚟係幾靚。點餐係用taplat點餐，好方便。前菜叫咗個牛油果牛肉卷，雖然本人好唔鍾意食燈籠椒，但呢個冇乜燈籠椒嗰陣味，應該係比較高質素嘅燈籠椒，反而牛肉嘅味道就好出，加埋個牛油果醬，係幾好食。之後個pizza正正常常。野飲都不錯。去到終點嘅班戟，真係好好食！我叫咗原味，一碟有三件，兩個人都食唔晒，雖然價格偏高，但係係香港最好食的班戟之一！