Video
Read full review
2023-05-14
1326 views
好味指數😋😋😋回頭指數 ⭐️⭐️⭐️開心指數🤗🤗🤗見呢度嘅評價都唔錯，又有set lunch，就揀咗呢度試吓。因為係 weekend 嘅關係，價錢比網上見到嘅貴咗，應該係 weekday 同 weekend 嘅分別。呢度嘅set lunch 已經包埋自助沙律吧，款式唔算好多，我見其他人寫只叫自助沙律吧係$78，依家就係$118。沙律吧有8款嘢，有茴香雞肉沙律、新鮮沙律菜、薯仔沙律、3款炸物、生果同芝士蛋糕，不過芝士蛋糕之後就冇再補，改咗係粟米吞拿魚沙律。我覺得最好食係芝士蛋糕，不過冇得 encore，其次茴香雞肉沙律、新鮮沙律菜都唔錯，沙律菜好新鮮！佢有3款醬汁、煙肉粒同麵包粒可以自由搭配。🍴去骨海南雞髀配油飯（$148）呢個已經係4個午餐入面最好食，不過都係中等水準，雞係幾滑不過冇咩味，油飯唔夠香。🍴泰式紅咖喱炸珍寶軟殼蟹配牛油薄餅（$168）呢個賣相最靚，軟殼蟹炸得好香脆，紅咖喱汁相對係比較辣，如果唔食得辣嘅可能要考慮吓，牛油薄餅 (paratha) 本身係未發酵嘅麵餅，應該係酥油層層疊疊折起達到酥皮效果，彈牙有嚼勁，不過呢個好似煎得過咗火少少，咬落去比較硬身。🍴惹味巴東雞配白飯（$14
回頭指數 ⭐️⭐️⭐️
開心指數🤗🤗🤗
見呢度嘅評價都唔錯，又有set lunch，就揀咗呢度試吓。因為係 weekend 嘅關係，價錢比網上見到嘅貴咗，應該係 weekday 同 weekend 嘅分別。
呢度嘅set lunch 已經包埋自助沙律吧，款式唔算好多，我見其他人寫只叫自助沙律吧係$78，依家就係$118。沙律吧有8款嘢，有茴香雞肉沙律、新鮮沙律菜、薯仔沙律、3款炸物、生果同芝士蛋糕，不過芝士蛋糕之後就冇再補，改咗係粟米吞拿魚沙律。我覺得最好食係芝士蛋糕，不過冇得 encore，其次茴香雞肉沙律、新鮮沙律菜都唔錯，沙律菜好新鮮！佢有3款醬汁、煙肉粒同麵包粒可以自由搭配。
🍴去骨海南雞髀配油飯（$148）
呢個已經係4個午餐入面最好食，不過都係中等水準，雞係幾滑不過冇咩味，油飯唔夠香。
去骨海南雞髀配油飯
$148
28 views
0 likes
0 comments
🍴泰式紅咖喱炸珍寶軟殼蟹配牛油薄餅（$168）
呢個賣相最靚，軟殼蟹炸得好香脆，紅咖喱汁相對係比較辣，如果唔食得辣嘅可能要考慮吓，牛油薄餅 (paratha) 本身係未發酵嘅麵餅，應該係酥油層層疊疊折起達到酥皮效果，彈牙有嚼勁，不過呢個好似煎得過咗火少少，咬落去比較硬身。
泰式紅咖喱炸珍寶軟殼蟹配牛油薄餅
$168
29 views
0 likes
0 comments
🍴惹味巴東雞配白飯（$148）
巴東汁幾惹味，個雞似係先炸咗個皮咁，好似有層炸皮 feel，但咬落去有少少硬，雞肉亦都有少少嚡。
惹味巴東雞配白飯
$148
23 views
1 likes
0 comments
🍴香煎加拿大豬鞍配薯菜及黑莓汁（$288）
呢個係最失望，豬鞍煮得唔算好，有少少乾同嚡口，個黑莓汁好少，唔太食到個汁嘅味，honestly 完全唔值$288，感覺係$188都俾多咗。
香煎加拿大豬鞍配薯菜及黑莓汁
$288
19 views
0 likes
0 comments
餐飲可以揀綠茶、橙汁、蘋果汁，都係倒出嚟冇特別。整體上環境係好舒服，開揚景觀，仲有兩張戶外嘅檯，服務態度好，食咗4個餐都係好一般，如果想搵個舒服地方傾偈食飯都okay 嘅～
Post
