Wing's Kitchen (Closed)

同朋友想搵一間可以坐得耐的餐廳食飯，於是就去咗我哋事先前一日有訂枱既，因為都驚要等好耐，好彩訂咗枱唔駛等！而餐廳嘅環境都幾靚，坐得都幾舒服，加上燈光好柔和，都幾有情調架，適合男女朋友或者夫婦一齊來食飯又或者慶祝紀念日之類！睇一睇Menu都發覺有唔同嘅菜式，實在花多眼亂，為咗令我哋可以快啲決定，所以我哋最後都叫咗一個2人既luxury dinner set，套餐包晒前菜、主菜、飯後甜品同飲品，感覺都幾唔錯！先來嘅當然係挪威煙三文魚沙律，呢個前菜相當唔錯，而且沙律以黑醋為主要調味，感覺好健康仲好開胃！之後上菜嘅係龍蝦湯，龍蝦湯味道濃郁，鮮味十足，果然冇令我失望，值得推介之後就到主食，我叫左黑松露鮮帶子意大利燴飯，唔好睇小黑松露嘅份量雖然好似唔多，但事實上味道都相當突出，而且個意大利燴飯嘅米粒都幾特別，口感同一般食嘅米唔同，相對硬身啲，口感粒粒分明，比一般泰國米大粒d,幾有咬口！當然唔少得是日甜品，個雞蛋布甸雖然比我想像中甜，但係都幾滑，口感好綿密，算係吾錯。整體來講嘢食質素都算唔錯，而且環境都坐得舒服，只係唯一一樣要改進嘅地方，就係上菜速度有點慢，可能係小店人手唔多，不過為咗食好嘢等多一陣