千里禪新懷石料理 (Closed)

今日想食日本野，於是又上openrice睇下。見此餐廳rating 唔錯，最緊要係晚市好貴，最好就午市平平地試下。環境幾好，枱與枱之間夠距離，近門口有個透明紅酒室，另有一個大清酒／香檳櫃，好似好多靚酒咁，下次有機會可以試下。午市menu 都有會席set，有刺身、壽司、燒物等，不過好似太多，所以都係order定食算了。前菜：沙律、味付、蒸蛋好少日式蒸蛋唔係用燉盅，所以好快凍咗，味道還可以。沙律普通啦。滑蛋吉列豬扒飯：豬扒汁好野味，除咗滑蛋之外仲有冬菇絲，個吉列豬扒都好好味，有豬味同仲有少少脆，如果啲豬肉再靚啲可以再鬆化d就好啦，以呢個價錢全好ok。自選壽司定食：可自選12件壽司，每款最多揀2件。貴價壽司海膽、三文魚子、吞拿魚腩x2，其於油甘魚、劍魚等x1。老公話全部都幾好食幾新鮮，可以encore.餐飲可選即磨綠茶或咖啡，即磨綠茶坊間少有，梗係綠茶啦。不過有啲失望，同日本甚至台灣都無得比，只有茶香冇茶味，可以不試。