Video
Read full review
2019-08-25
2778 views
呢日喺中環hea開，順便食埋個晚飯，見早早哋就喺訂枱app搵下附近有乜食🤔。之前朋友有介紹過呢間位於蘭桂坊隔離嘅天慶話唔錯，係居酒屋🏮style，食日式料理串燒果啲、唔係主打魚生，所以見又有50%off優惠就試下啦😬。星期六晚7點鐘去到，一上去經過條走廊就到餐廳，餐廳好大好闊落啊，但無乜人，計埋我哋前前後後得四枱😅。其實裝修幾靚，以黑色為主色，牆身就油咗好多和服graffiti畫👍🏻。環境靜靜哋都幾啱吹水嘅。一坐低無耐，望下menu，就發現同我朋友介紹同openrice見到嘅唔同，食物選擇好少(得4版)，而且比較多🍣刺身、壽司類，但燒物、串燒等就變得好少。再偷聽到隔離枱嘅對話，原來餐廳裝修咗，menu亦都換埋😐。有啲失望添，因為食物唔係太啱食，但都有啲肚餓，揀咗幾多樣食啦。講返食物啦，首先叫咗脆炸三文魚條伴咖哩蛋黃醬($98)，四條三文魚條🐠都幾厚肉，而且炸到熱辣辣，好香口，最重要係一啲都唔腥，個醬又好好味😋，呢個令人喜出望外，非常推介👍🏻👍🏻👍🏻。第二樣係蟹膏加州卷($68)，呢份有六大嚿，味道都唔錯嘅，正常水平，上面啲🦀蟹膏唔係太少，但多啲會好啲囉🤣，而且蟹籽嘅size比較細粒。但
呢日喺中環hea開，順便食埋個晚飯，見早早哋就喺訂枱app搵下附近有乜食🤔。之前朋友有介紹過呢間位於蘭桂坊隔離嘅天慶話唔錯，係居酒屋🏮style，食日式料理串燒果啲、唔係主打魚生，所以見又有50%off優惠就試下啦😬。
星期六晚7點鐘去到，一上去經過條走廊就到餐廳，餐廳好大好闊落啊，但無乜人，計埋我哋前前後後得四枱😅。其實裝修幾靚，以黑色為主色，牆身就油咗好多和服graffiti畫👍🏻。環境靜靜哋都幾啱吹水嘅。
一坐低無耐，望下menu，就發現同我朋友介紹同openrice見到嘅唔同，食物選擇好少(得4版)，而且比較多🍣刺身、壽司類，但燒物、串燒等就變得好少。再偷聽到隔離枱嘅對話，原來餐廳裝修咗，menu亦都換埋😐。有啲失望添，因為食物唔係太啱食，但都有啲肚餓，揀咗幾多樣食啦。
脆炸三文魚條伴咖哩蛋黃醬
$98
44 views
0 likes
0 comments
講返食物啦，首先叫咗脆炸三文魚條伴咖哩蛋黃醬($98)，四條三文魚條🐠都幾厚肉，而且炸到熱辣辣，好香口，最重要係一啲都唔腥，個醬又好好味😋，呢個令人喜出望外，非常推介👍🏻👍🏻👍🏻。
蟹膏加州卷
$68
39 views
0 likes
0 comments
第二樣係蟹膏加州卷($68)，呢份有六大嚿，味道都唔錯嘅，正常水平，上面啲🦀蟹膏唔係太少，但多啲會好啲囉🤣，而且蟹籽嘅size比較細粒。但overall都算好食。
壽司薄餅
$88
23 views
0 likes
0 comments
第三樣係壽司薄餅($88)🍕🍙，呢個見幾得意所以嗌嚟食下，個樣都算幾精美嘅，上面有啲呑拿魚蓉、蟹籽、蔥花同牛油果🥑，下面就係圓形嘅pizza(即係炸壽司飯)。但夾埋麻麻地，因為pizza比較乾身同無味，可能要有多啲醬同調味會好啲。
粟米天婦羅
$58
18 views
0 likes
0 comments
最後一樣係🌽粟米天婦羅($58)(3件)，呢個都普普通通啦，粟米粒係甜嘅，但可以要將佢哋連埋一嚿，所以都比較多炸粉。
總括嚟講，食物質素正常嘅，一定唔係難食，但又未到樣樣食物都好好食。但食物選擇真係比較少😶，如果想去前真係睇清楚menu啱唔啱食先，免得失望。而且餐廳好似未有酒牌？見好似有人想嗌無得嗌，想小酌一杯就未必有機會。不過餐廳有熱茶提供🍵，而且仲會好主動幫你加茶，抵讚👍🏻。環境亦都舒服，仲有啲靜過頭添🙈，但ok的。價錢未折就少少偏貴啦，但折咗就幾抵嘅，當Happy hour食下小食😗。btw呢篇食評以折後價格評分。
Post
