C1 Café Bistro (Closed)

今日同朋友過來佐敦食飯，因為朋友一早Book左位，加上都唔多客人，所以馬上有得入坐。店舖環境唔錯，坐位好闊落下，係個傾計的好地方。首先叫左個小食，脆炸辣味薯條伴蜜糖芥末汁 - 薯條炸得夠香夠熱，而配埋蜜糖芥末汁都好食。芝麻汁燒牛肉沙律 - 牛肉夠嫩滑，芝麻汁配沙律冇得輸，不過分量偏少。紅菜頭藜麥帶子沙律 - 帶子比想象中大粒，藜麥係健康之選，配埋紅菜頭味道都唔錯。雜菜芝士松子仁天使麵 - 材料充足，天使麵入味，味道正常。香辣蜆肉意大利粉 - 一開始見蜆殼入面係冇咩蜆肉，就算有都係偏細粒，一試之下，D蜆肉都係冇鮮味，而意粉同樣都係啖而無味，完全冇香辣味，好彩有加少少蒜頭，但都係唔算好食，可以不用試。另外待應唔多，得三四個人左右，雖然客人同樣唔多，但想搵人落單都要等段時間，加上中途見到待應雖然好得閒，但都唔會話主動加水，服務真係差少少。整體而言，環境係坐得舒服，但以咁既價錢來計(要計加一)，食物質素同服務都有待改善。