Appendix Coffee & Bar (Closed)

星六早餐太遲食所以即興安排左2/3點食late lunch, 上網見到呢間幾靚又4點前仲有lunch所以即book即去。不得不說呢度環景真係好舒服！日光充足 裝潢用左藍綠灰白色等等既顏色，摩登得黎好有北歐風格，最岩俾我呢d港女chill一chill!（非貶義！）叫左一份燒春雞（半隻的），望落好靚但都唔大，不過叫得春雞都唔會預佢大既，但係另一個令人失望既係太乾！feel到係翻燒既雞件⋯燒既皮已經「軔」左唔脆，雞肶肉亦都好鞋⋯不過伴碟既薯塊同翠肉瓜又幾好食，本末倒置了⋯意飯口感唔錯係中間偏硬既米，都好重caprese queso 既味，但嫌唔夠「濕」放左陣就乾同硬左！雖然食物不夠班，但環境同氣氛好適合周末hea+吹水，所以overall既分係俾環境的。