Video
Read full review
2020-11-05
135 views
平時都好少來荃灣呢頭，前日咁岩來呢到附近做Facial，就試下呢到既西餐廳、經過呢間貓貓主題既餐廳就入左去！估唔到幾有驚喜！店面裝潢偏暗，經過可能好易miss左！入到去比想像中寬敞，燈光令人好舒服，亦有播放音樂，以及係大螢幕到播關於貓既Video，周圍都有好多貓貓佈置～睇得出店主真係好鍾意貓！今次叫左佢地既套餐！當然附上沙律及餐湯三成熟牛板胛伴薯菜大家都知情牛板胛呢個部位相對上會比較韌，需要咀嚼得耐啲，但同樣地牛味都會比較濃。為左保持口感，我通常都會叫生啲，3成熟。呢間餐廳做到水準，好好咁保持係3成熟就上碟，令厚切既牛板胛肉不會韌口，同時鎖住肉汁，濃濃牛味滲透出來，份量亦有三大塊，過足口癮。伴既薯菜亦有經過烤焗，表面香脆，但內裡佢保留水份，薯仔，秋葵，茄子都燒得剛剛好，值得一讚！海鮮拼盤呢個拼盤包括2大塊煎爐魚，1塊燒鯖魚。魚類嫩口，表面煎得略油，但內裡剛剛熟，入口好滑，加左少少鹽，調味適合。青口，蜆肉同樣有水準。伴上的蕃茄薯仔都有經烘烤，好食！Cat On the Beach🏖 呢杯Cocktail更令人喜出望外。入口好舒服，以果汁同Rum酒作為基底，入口先有果汁的清新味道，伴有少少
店面裝潢偏暗，經過可能好易miss左！入到去比想像中寬敞，燈光令人好舒服，亦有播放音樂，以及係大螢幕到播關於貓既Video，周圍都有好多貓貓佈置～睇得出店主真係好鍾意貓！
今次叫左佢地既套餐！
當然附上沙律及餐湯
三成熟牛板胛伴薯菜
大家都知情牛板胛呢個部位相對上會比較韌，需要咀嚼得耐啲，但同樣地牛味都會比較濃。為左保持口感，我通常都會叫生啲，3成熟。呢間餐廳做到水準，好好咁保持係3成熟就上碟，令厚切既牛板胛肉不會韌口，同時鎖住肉汁，濃濃牛味滲透出來，份量亦有三大塊，過足口癮。伴既薯菜亦有經過烤焗，表面香脆，但內裡佢保留水份，薯仔，秋葵，茄子都燒得剛剛好，值得一讚！
海鮮拼盤
呢個拼盤包括2大塊煎爐魚，1塊燒鯖魚。
魚類嫩口，表面煎得略油，但內裡剛剛熟，入口好滑，加左少少鹽，調味適合。青口，蜆肉同樣有水準。伴上的蕃茄薯仔都有經烘烤，好食！
Cat On the Beach🏖
呢杯Cocktail更令人喜出望外。入口好舒服，以果汁同Rum酒作為基底，入口先有果汁的清新味道，伴有少少泡沫的口感。細飲之下，當佢落到喉嚨吞下時，先滲出少少酒既苦澀味。伴有兩粒青提子，飲到一半再食一粒，清新舒服！
Guava Sour🍷
本身我就好鍾意Guava Juice，見到呢個即刻忍唔住叫！上到來外表好吸引，有花心思做造型設計。入口先來濃濃Guava Juice味，感覺到係新鮮榨出，入口亦有碎冰粒，懷疑冰粒都係Guava Juice，因此果味極香。我估呢杯做法同上一杯Cat on the Beach相若，入口清新，飲到最後有陣酒味出來，淡淡地。但相對地呢個酒味更淡。
最後以Set既甜品作結。不過不失，有少少似傳統餅店草莓海綿蛋糕
Post
