Video
Read full review
2020-01-02
165 views
火鍋頭喺九龍塘開左店，環境雅致兼主打高質食材嘅刺身及火鍋專門店。花金古，成條擺上枱完全係嚇呆左，咁靚嘅魚當然唔可以浪費，師傅將花金古整成一魚兩食，分別係活魚刺身同火鍋魚片;魚生厚度切得好恰當，味道食落好鮮甜;而將魚片放落火鍋度食，花金古嘅肉質食落就更加滑嫩。海鮮拼盤，有大量嘅沙白、跳紮紮嘅鮮蝦、聖子，款款都好新鮮，食落又好爽口。燕麥紫薯球，燕麥片為紫薯球增添左多一份脆度，紫薯蓉食落好綿密，甜度適中，食完一粒之後會好想繼續食。自家製鮮蝦雲吞，皮薄餡靚，鮮蝦食落好彈牙，豬肉同鮮蝦份量比例恰好。西洋菜、蕃茄，兩樣都好索湯底又掛汁嘅味道，份量都算多。水晶粉、稻庭烏冬，兩樣口感都好Q彈，前者擺落四川麻辣湯度食，味道食落就係麻辣燙粉一樣。香脆韮菜餃，外皮酥脆，韮菜份量飽滿，配埋泰式辣醬食就更加惹味。四川麻辣湯，味道有D嗆口，湯底唔算油膩，會越滾越辣，啱曬食得辣又重口味嘅人士。胡椒豬肚湯，胡椒味濃郁，飲左好暖胃，豬肚口感爽滑。白牛栢葉，咬落爽脆可口。招牌手打蟹籽蝦滑，蟹籽卜卜脆，蝦滑彈牙。特級手切安格斯肥牛，雪花脂肪多，牛脂味十足，肉質軟嫩。金牛，忌廉汽水配芒果雪糕，香港特色嘅新地樂。巨蜂梳打，味道
花金古，成條擺上枱完全係嚇呆左，咁靚嘅魚當然唔可以浪費，師傅將花金古整成一魚兩食，分別係活魚刺身同火鍋魚片;魚生厚度切得好恰當，味道食落好鮮甜;而將魚片放落火鍋度食，花金古嘅肉質食落就更加滑嫩。
海鮮拼盤，有大量嘅沙白、跳紮紮嘅鮮蝦、聖子，款款都好新鮮，食落又好爽口。
燕麥紫薯球，燕麥片為紫薯球增添左多一份脆度，紫薯蓉食落好綿密，甜度適中，食完一粒之後會好想繼續食。
自家製鮮蝦雲吞，皮薄餡靚，鮮蝦食落好彈牙，豬肉同鮮蝦份量比例恰好。
西洋菜、蕃茄，兩樣都好索湯底又掛汁嘅味道，份量都算多。
水晶粉、稻庭烏冬，兩樣口感都好Q彈，前者擺落四川麻辣湯度食，味道食落就係麻辣燙粉一樣。
香脆韮菜餃，外皮酥脆，韮菜份量飽滿，配埋泰式辣醬食就更加惹味。
四川麻辣湯，味道有D嗆口，湯底唔算油膩，會越滾越辣，啱曬食得辣又重口味嘅人士。
胡椒豬肚湯，胡椒味濃郁，飲左好暖胃，豬肚口感爽滑。
白牛栢葉，咬落爽脆可口。
招牌手打蟹籽蝦滑，蟹籽卜卜脆，蝦滑彈牙。
特級手切安格斯肥牛，雪花脂肪多，牛脂味十足，肉質軟嫩。
金牛，忌廉汽水配芒果雪糕，香港特色嘅新地樂。
巨蜂梳打，味道香甜，飲落好清爽。
荔枝燒酌，荔枝果香味濃，果酒配火鍋完美結合。
威士忌梳打，酒精濃度雖然唔算高，但都有D苦，篤下青檸之後再飲，會更易入口。
Post
