笑酤和味炭燒 (The Pulse) (Closed)

阿妹特登攞假陪我，原本諗住去淺水灣一日遊，點知天氣唔好，冇得落沙灘，唯有喺商場hea。商場唔大，不過好多餐廳，大部分西餐，我哋搵咗間環境好好嘅日本餐廳食嘢。呢度Lunch set選擇好多，除咗壽司、刺身、日式丼外，仲有備長炭燒肉，好吸引☺️備長炭燒鰻魚，$260係眾多款肉入面，我哋揀咗鰻魚，鰻魚勁肥美，似係新鮮燒出嚟嘅，好香，而且加咗好多鰻魚汁，好好味，不過即場燒，所以要等耐少少。成個餐仲有碗好足料嘅麵豉湯，另外可以揀烏冬或者白飯。和牛烏冬，配吞拿魚腩小卷、餃子，$258和牛份量比想像中多，唔會好肥，食落好香牛味，烏冬有嚼勁，唔錯。而吞拿魚腩小卷要快啲食，我哋遲咗食，塊紫菜已經唔脆。壽司定食，$380壽司定食包8件日替壽司同埋1條加洲卷，份量勁足，唔夠？仲可以揀烏冬同白飯，最飽係呢個餐，根本冇可能食得晒🤣餐廳lunch time都幾多人，不過因為餐廳夠大，坐得好舒服，而且抽氣做得好好，師傅一路係度燒都冇乜味，唔錯。