Ember (Closed)

因為疫情，同老友好耐無見，今晚就去她介紹那間餐廳聚聚舊。原來這是一間酒吧餐廳，樓底好高，裝修都幾別緻。老友鐘意飲Whisky，所以就揀咗Whisky Sour，單看外貌也很不錯，當然亦啱老友的口味！我有選擇困難症，問服務員有乜好介紹，她推薦我飮French Martini，果然冇介紹錯，又係有靚樣又幾啱我飲！這兒的set dinner是四道菜，我哋兩個都係揀咗干邑龍蝦湯，味道好濃，仲有一隻🦐係湯添！配合自家手造麵包，麵包仲係熱騰騰㗎！前菜就揀兩款不同，咁就可以試多啲口味。法國鵝肝是其中一款前菜，鵝肝煎得夠香又不會太乾，配上蘋果就多點清新的味道，再配埋醋就可減低油膩嘅感覺！另外一款是北海道刺身帶子薄切，雖然是薄切，但仍然嚐到帶子的鮮味。主菜也是叫兩款來分享：西班牙皇者紅蝦手造幼蛋麵配龍蝦汁（$258）侍應話今日無紅🦐，換咗虎🦐，手造幼蛋麵嘅口感不俗，虎🦐也夠爽！澳洲M6威靈頓牛柳配燒汁（$358）外皮焗得不錯，很香牛油味，牛柳質感也很鬆軟，但整件牛柳就不是很大。脆炸開心果雪糕自家製的開心果雪糕，不太甜，也食到開心果碎粒。