Nahm, Vietnamese & Thai (Closed)

今日係圓方睇完戲，喺越南餐廳食飯，依間餐廳想食咗幾次，次次都排長龍，今日見到無乜人，即食。叫咗大蝦青木瓜芒果沙律，賣相麻麻地，青木瓜都爽脆，大蝦有二，三粒，但成碟只係得個爽，其他味道無乜。椒鹽鮮魷，味道幾好 ，不過魷魚好細，冇乜口感，炸得幾香脆。香辣雞肉生菜包，雞肉辣辣地，生菜都新鮮，都幾大碟，食咗好開胃。黑糊椒大蝦，煎得好乾身，好香，隻蝦好大隻，肉質都彈牙，味道好好，再點埋個辣汁，好惹味。菠蘿雞粒炒飯，菠蘿同雞肉好多好大粒  ，飯炒得好乾身，但份量好少，如果好肚餓，一個人食晒都未必夠飽。