吉野家 (健威坊)

Open Now

Now Closed

由於呢間吉野家分店好近我哋屋企，所以耐唔耐都去食下。近排天氣開始轉涼，當然心思思想烚吓烚吓啦，所以今晚就帶埋小朋友去吉野家打邊爐喇。其實一直都知呢間吉野家坐得比其他分店舒服，因為出面啲分店好迫，但係呢度完全冇呢個問題，所以我哋都幾鍾意嚟呢度食。最重要係帶埋小朋友嚟食都好方便因為佢有BB櫈可以提供，不過全間店得兩張，實在太少，希望佢可以增加多啲啦。呢度所有嘢我哋都ok滿意，除咗一樣野就係啲BB櫈好多污積，就算點抹d積都會喺度，所以如果好介意嘅家長就唔好帶小朋友嚟呢度啦。吉野家打邊爐已經唔係新鮮事，不過呢個芝士竹崙又係新野，食落又幾好，啲濃湯keep住一樣咁好，所以落埋個wu冬就啱啱好，唔會太飽