日本黒毛和牛焼肉 牛太 (MOSTown新港城中心(4期))

Open Now

Now Closed

近呢一兩年香港市面都開咗好多燒肉店，大大話話自己都食過幾十間，近期知道有間新嘅燒肉點冒起，所以今日就同朋友走去試吓。牛太暫時喺香港得三個地方有得食，分別係屯門、沙田、馬鞍山，咁啱今日喺馬鞍山做完嘢，就約埋朋友喺度撐枱腳。餐廳門口富有日本色彩，而且顧客買單後仲可以玩小遊戲攞禮物添，餐廳座位相當寬敞，唔似出面啲燒肉店為求要更多營業額，排到啲枱非常迫。餐牌價錢豐儉由人提供四種價錢，叫咗豪華燒肉放題套餐。呢間餐廳幾好有鰻魚食，呢家唔使返大陸就食到喇 😋 另外落完 order 無耐，每樣食物都好快送到完全冇漏單嘅情況出現，雖然揀咗唔係好貴嘅餐，但係牛肉種類都非常之多。整體嚟講無論服務、衛生、食物質素都唔錯。