睿海御宴 (Closed)

向來好中意大坑呢個區，一個小區以位置黎講其實算方便，就近銅鑼灣同天后。最近有個親戚帶咗我去試吓戈度嘅私房菜，環境舒適，員工服務友善。Lunch time相信比較多人食午市套餐，有各款特色小菜供客人選擇。「睿之選」、「海之選」食材高級，可以一試。酥炸鮮蝦角🦐包個邊戈個摺疊位好似餃子咁🥟好治癒☺️外皮脆卜卜，裡面蝦肉口感實在，爽口彈牙。椒鹽吊筒仔🐙喺出面好少食到吊筒仔，脆炸之後仍然吾會好油膩，吊筒仔好爽口又大大件。腐皮香酥雞卷店員話系傳統福建菜，就咁食其實冇乜雞味🤣反而似糯米卷，餡料豐富。蟹籽蒸蝦丸🦐就咁睇落好似打邊爐嘅蟹籽蝦滑，不過變咗蝦球，蝦膠打得實在，呢個幾好味。XO翡翠炒豚肉，即西芹加炒豚肉，豚肉脂肪部分較多，滑溜溜配XO醬帶點滋味。蜜糖咕嚕黑豚肉，咕嚕肉頗有嚼勁，酸酸甜甜味道向來受人歡迎。