大松日 (Closed)

星期六放假，中午朋友介紹去九龍灣食飯，心諗去商場搵餐廳，點知朋友帶我去工廠區搵食， 仲要係新起的商廈入面，去到門口發現原來係一間高級的日本菜。睇完menu，每個set都過百，但來到點都豪氣一試，最後我揀左“海鮮刺身飯”，朋友就”三文魚親子飯”，每個餐都會有個菜沙律，菜好新鮮，配上少少醋，好開胃，還有一個蒸蛋，又滑又香。主角刺身飯，好多刺身鋪滿飯面，不同的魚排列得好靚，中間還有海膽，高級店果然全部用料都好新鮮，好鮮甜，再加上少少醬油，已經能夠帶出所有的甘香，感覺有啲似去左日本，哈哈！最後一道就係甜品雪榚，都一樣咁好味，這裏環境零靜舒適，廚師又係日本人，可以真正食到正宗日本菜，朋友今次真係無介紹錯。